電影泉攻略｜衛詩雅為角色一展罕有嫵媚感 黃又南照顧病父兼顧拍戲有掙扎感丨EP199 скачать в хорошем качестве

電影泉攻略｜衛詩雅為角色一展罕有嫵媚感 黃又南照顧病父兼顧拍戲有掙扎感丨EP199

電影泉攻略｜衛詩雅為角色一展罕有嫵媚感 黃又南照顧病父兼顧拍戲有掙扎感丨EP199 今個星期《電影泉攻略》主播 王鎮泉 Jeoffrey 同觀眾介紹新鮮熱辣嘅影壇快訊。今次《影人Talk》就請嚟電影《再見UFO》嘅主演 黃又南 、 衛詩雅 分享拍攝點滴。 Michelle喺電影中展現嫵媚一面，佢笑言喺現實中絕對唔會有呢一面出現，仲話自己係「黃面婆」。為咗可以令角色展現出嫵媚感，Michelle亦花唔少心思，例如特登留長指甲，因為佢認為嗰個年代嘅女仔好鍾意留指甲。電影拍完等待多年先上映，Michelle就話老公亦有捧場，但睇完戲第一反應係話，當年嘅Michelle骨膠原好多。而又南就大讚Michelle好有女人味，真係好靚。 戲中又南有一場喺靈堂嘅戲份，拍嗰場戲時亦係又南照顧有腦退化症嘅爸爸，佢都話好觸動，自己一收工同唔需要開工就會喺醫院陪爸爸，自己亦有掙扎感。所以拍呢套戲時，將對爸爸嘅感情投射落飾演爺爺嘅盧海鵬身上，有好大連結感。 新片速遞： 《再見UFO》1984年，香港仔華富邨曾經有UFO低空飛過嘅都市傳說，轟動一時。三個少年係當年目擊者，隨各人成長，三人有唔同嘅人生軌跡。歷經城市變遷，當三個成長夥伴再聚首，令佢哋不禁諗起，當年喺天台見到嘅神秘光芒，到底係咩？ 《末日聖母號》一個科學老師喺在一艘距離地球數光年遠嘅太空船上醒番，隨記憶慢慢恢復，佢先至知道大鑊！原來太陽就快玩完，而佢竟然係人類最後希望？！為破解令太陽熄機之謎，佢必須用盡畢生科學知識、非傳統諗頭，誓死拯救地球。 《Marty Supreme：癲造之才》由Timothée Chalamet飾演嘅Martin夢想成為乒乓球世界冠軍，佢雄心壯志代表美國前往倫敦參加世界賽，最終卻慘敗於日本選手。為求再決一戰，佢不擇手段籌經費出國參賽，不惜利用自己情人同朋友，攀附邪惡富商及過氣女明星，做出一個又一個瘋狂決定。 今個星期香港票房龍虎榜，截至3月18號中午，第一位《狸想奇兵》，第二位《夜王》，第三位《衝鋒：火拼》。 #電影泉攻略 #黃又南 #衛詩雅 #王鎮泉 #新片速遞 #MartySupreme癲造之才 #再見UFO #末日聖母號 #票房龍虎榜 #夜王 #狸想奇兵 #衝鋒火拼 #EP199 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0