JDPU Boshlang’ich ta’lim fakulteti abituriyentlarni chorlaydi! скачать в хорошем качестве

JDPU Boshlang’ich ta’lim fakulteti abituriyentlarni chorlaydi!

Kelajakda qanday kasbni tanlasam ekan deb boshingiz qotdimi? Tanlov qilishda qiynalyapsizmi? U holda sizni Abdulla Qodiriy nomidagi JDPU boshlang’ich ta’lim fakultetiga taklif etamiz. Bizning talim maskanimiz respublika OTMlari orasida o'z o'rniga ega. Xususan universitetimizning Boshlang'ich ta'lim fakulteti o'zining intiluvchan zukko talabalariyu bilimli professor ustozlari bilan ajralib turadi. Bizning fakultetimizda 2 ta kafedra ya'ni Boshlang'ich ta'lim nazariyasi va amaliyoti kafedrasi hamda Boshlang'ich ta'lim metodikasi kafedrasi tomonidan talabalarga bilim berib boriladi. Fakultetimiz talabalarining bilim salohiyatlarini oshirish uchun 40 ga yaqin tajribali o'qituvchilar faoliyat yuritadi. Ulardan 4 nafari professor, 16 nafari dotsent, 4 nafari fan doktori kabi ilmiy daraja egalari hisoblanishadi. Keling endi barchani qiziqtirgan savolga javob topsak, ya'ni ushbu ta'lim muassasasini tamomlab qayerda ishlash mumkin? Siz Boshlang'ich ta'lim fakulteti bakalavr bosqichini tugallab barcha umumiy o'rta talim maktablarida faoliyat yuritishingiz mumkin. Agar siz ushbu yo'nalishning magistratura bosqichini ham tamomlasangiz respublikamizdagi OTMlarga yoki Xalq ta'limi bo'limlariga ishga kirishingiz mumkin. Bunda sizga samarali bilim olishingizga fakultetimizda yaratilgan qulay imkoniyatlar yaqindan yordam beradi. Shinam va yorug‘ auditoriyalar, zamonaviy texnologiyalar bilan jihozlangan ma‘ruza zallari sizning to‘laqonli bilim olishingizga zamin yaratadi. Hozirgi kunda ushbu imkoniyatlardan oqilona foydalanayotgan talabalarimiz yuksak marralarni zabt etishmoqda. Xususan, o‘tgan o‘quv yili davomida bir nafar talaba Alisher Navoiy nomidagi davlat stpendiyasi sohibasi, yana bir talaba esa Respublika miqyosida o'tkazilgan insholar tanlovining 1-o‘rin egasi bo‘lishdi. Bundan tashqari fakultetdagi "Ibrat" nomli talabalar teatr guruhi, "Renessans" nomi ostida birlashgan zakovatchilar, "Noyob bolalar" nomli quvnoqlar va zukkolar jamoalari ham viloyat va Respublika tanlovlarida qatnashib munosib o‘rinlarni qo‘lga kiritishmoqda. Qolaversa, bo‘sh vaqtingizni mazmunli o‘tkazish uchun "Mohir qo‘llar" to‘garagi va "Munozara" klubi tashkil etilgan. O‘qituvchilik sharafli kasb ayniqsa Boshlang'ich ta'lim o‘qituvchisi bo‘lish insonga faxr tuyg‘usini beradi. Shunday ekan biz siz azizlardan tanlovda adashmaslingizni so‘rab qolamiz. Yangi o‘quv yilida sizlarni ta‘lim maskanimizga fakultet talabasi sifatida qadam qo‘yishingizni kutib qolamiz. Zero biz sizning Boshlang'ich ta'lim o‘qituvchisi bo‘lish va kelajakda har bir murg‘ak qalb egasiga to‘g‘ri yo‘l ko'rsata olishingizga ishonamiz!