რას ველით მომავალ კვირაში? - გიორგი ისაკაძის საავტორო ეპილოგი / 15.03.2026 скачать в хорошем качестве

რას ველით მომავალ კვირაში? - გიორგი ისაკაძის საავტორო ეპილოგი / 15.03.2026

მომავალი კვირის მთავარი თემა იქნება ვითარება ახლო აღმოსავლეთში, რომელიც როგორც ჩანს არც მიმდინარე კვირაში დასრულდება და ამიტომაც, ინვესტორები განსაკუთრებით ყურადღებით ენერგეტიკულ ბირჟას დააკვირდებიან, რომელზედაც არა მხოლოდ ტრანსპორტირების ხარჯები, არამედ გლობალური ინფლაციაა დამოკიდებული გარდა ამისა, მომავალ კვირას აშშ-ის ფედერალური რეზერვი მონეტარულ პოლიტიკასთან დაკავშირებით გადაწყვეტილებას მიიღებს და დიდი ალბათობით, FED-ი განაკვეთს უცვლელად დატოვებს, მიუხედავად პრეზიდენტ ტრამპის დაჟინებული მოთხოვნისა განაკვეთის შეცვლასთან დაკავშირებით. დატვირთული კვირა ელის ევროპის რეგიონსაც, სადაც სახელმწიფოები ეკონომიკური ზრდის და ინფლაციის უახლეს მონაცემებს წარმოადგენენ. ამასთან, ევროპის ცენტრალური ბანკი თავის გადაწყვეტილებას გაგვაცნობს. აქაც არსებობს საფუძვლიანი მოლოდინი იმისა, რომ ECB მონეტარულ პოლიტიკას არ შეცვლის. და საერთოდ, სულ ხვალ რომ დასრულდეს ომი ახლო აღმოსავლეთში და ის ხვალ ნამდვილად არ დასრულდება - მე მგონია რომ ინფლაციური პროცესები უკვე დაძრულია, ის მალე აისახება გლობალურ ეკონომიკაზე და იმავდროულად არ მისცემს საშუალებას ცენტრალურ ბანკებს ნეიტრალური ან ეკონომიკის წახალისებისთვის მხარდამჭერი გადაწყვეტილებები მიიღონ. ასე რომ, სჯობს უარესისთვის მოვემზადოთ ვიდრე მუდმივად ცუდის მოლოდინი გვქონდეს.