Скачать с ютуб ب لبن في الأردن - التجربة الكاملة в хорошем качестве

ب لبن في الأردن - التجربة الكاملة

أخيرا جربت كل الأصناف الأساسية و تشكيلات منها عند ب لبن في الأردن و جبتلكم الصافي ✋ قبل التفاصيل لا تنسو أهلنا و بلادنا من دعواتكم 🤲 رح أعطيكم رأيي و أكون دليل بنفس الوقت للي بده يجربهم عشان الأصناف متفرعة و كثيرة و الطابور طويل ف بدي أسهلها جدا و أساعدكم تختارو الأقرب لذوقكم 👍 المحل عنده أصناف رئيسية و تشكيلات كثيرة لا نهائية من كل صنف حسب الإضافات، الأساسات هي: رز بحليب (رز بلبن باللهجة المصرية، بحتة بلهجتنا الفلاحية 😁) و القشطوطة اللي تعودنا نسميها كيكة تركية (تريليتشيه) اللي هي كيكة مغرقة بمكس حليب مميز و عليها مكس كريمة مميز و ممكن يكون تحتها طبقة رز بحليب او لأ حسب طلبكم و هي لذيذة و مبدعين فيها حتى بدون اضافات، و جديد صار عندهم منها خيار ثاني اسمه أمباليه، بتكون الطبقة اللي تحت الكيكة كريم بروليه (شبه الكريم كراميل بس مختلف) بتستحق التجربة، و عندهم القشطوزة عبارة عن خلطة تشيز كيك ذايبة و لذيذة و معها سكوب بوظة خاصة فيها حبيتها جدا، و عندهم اختراع اسمه كاساتا باختصار اشي مثلث كثير زاكي صعب شرحه و لازم تجربوه، و المسحب و الطعمية عبارة عن بوظة مغلفة ب شوكولاتة بيضا و بسكوت بديل اللوتس أو كرنشي ويفر، البوظة اللي بالطعمية بستاشيو، و بتختارو معهم نوعين شكاليط للتغميس، و ام علي على اصولها بالفرن ممتازة و بالاضافات اللي بتحبوها، و أخيرا الكشري الحلو هو طبقة رز بحليب فوقها طبقة كنافة محمصة و فوقها طبقة جلاش و كريمة و فوقها الإضافات اللي بتختاروها، الكشري هو الأكبر حجما و الأقل سكّر بينهم (بغض النظر عن الاضافات) بالتالي لو بدك تشبع مش فقط تحلاية خفيفة اختار الكشري و بيشبعك جدا و نصيحتي تختاروه مع المنجا، المنجا الاسمعلاوية المصرية اللي بيستخدموها أسطورية جربوها كل مرة مع طبق ❤️ و نصيحة أخيرة جربو "الكمين"، هو رز بحليب و عليه مكسرات و بسبوسة و كنافة و بوظة و أهم إضافة القشطة البلدية المصرية هاي عالم ثاني ❤️ بالنسبة لباقي الأصناف خلو الإضافات على ذوقكم لكن اختياراتي هي البستاشيو و البوب كورن بالكراميل 😋 فروعهم حاليا في وسط البلد و شارع المدينة المنورة و شارع الاذاعة و التلفزيون و قريبا في اربد و الزرقاء و نصيحتي تروحو فترة الظهر ع فرع شارع المدينة المنورة صح رح تلاقو طابور لكن بتكون لسة ما صارت أزمة عندهم و خذو كمية طلبات للبيت و كل يوم تسلو ع اشي، انا و العيلة ظلينا خمس ايام واحنا نخلص الاصناف اللي اخذتها و كل يوم نستمتع و نقول والله إنه شغلهم صح ❤️ و عندي نصيحة مهمة (و عمموها ع كل التجارب) ان كثير ناس بتجرب المحل حاليا كل واحد ذوقه غير و بيجرب اصناف غير و طبيعي التجارب تختلف ف انت جرب بنفسك لأن انت فقط الحكم على ذوقك و اختياراتك 👍 و للتأكيد كل شوكولاتاتهم من إنتاجهم أو بدائل، للأسف البعض بينشر صور و فيديوهات قديمة من برا الأردن حتى الموظفين فيها لابسين نص كم يعني قبل ما يفتح في الأردن اصلا، ف خليكم واعيين 👍 بتلاقو بالصفحة فيديو التجربة المفصلة و التجارب و ملخصاتها بتنزل بالكامل ع سنابي و انستقرامي zeniddeen شكرا لمتابعتكم 🙏 لا تنسو تشغلو تنبيهات الصفحة عشان ما يروح عليكم اشي ✌️ عبد القادر زين الدين #تجارب_عبدالقادر تابعوني على سناب شات و انستقرام و كواي و يوتيوب و تيك توك : zeniddeen و على صفحة فيس بوك : تجارب عبدالقادر أي أخطاء تصدر من أي مطعم أقوم بتجربته مسؤوليتها على المطعم نفسه، منشوراتي هي رأيي الشخصي عن تجربتي الشخصية فقط و لا أضمن إعجاب الجميع بأي مطعم ‏#food #foods #wheretoeat #wheretoeatjordan #explore #foryou #foodies #foodie #instafood #foodpic #foodpics #foodpictures #foodphotography #amman #jordan #jo #beamman #reels #lovejo #الأردن #عمان #أكل #تصوير #whatjoeatin #مطعم #مطاعم #reel #تصويري #تصوير_الطعام