ఆంధ్ర యూనివర్సిటీలో మత విద్వేషాలను రెచ్చగొట్టేందుకు ఆర్ఎస్ఎస్ ప్రయత్నిస్తోందని ఆందోళన | c news скачать в хорошем качестве

ఆంధ్ర యూనివర్సిటీలో మత విద్వేషాలను రెచ్చగొట్టేందుకు ఆర్ఎస్ఎస్ ప్రయత్నిస్తోందని ఆందోళన | c news

వందేళ్ళ పైబడిన చరిత్ర గల ఆంధ్ర యూనివర్సిటీలో మత విద్వేషాలను రెచ్చగొట్టేందుకు ఆర్ఎస్ఎస్ ప్రయత్నిస్తోందని మాజీ ఎమ్మెల్సీ కె ఎస్ లక్ష్మణరావు ఆందోళన వ్యక్తం చేశారు. కూటమి ప్రభుత్వం అండ చూసుకొని ఆర్ఎస్ఎస్ బిజెపి శక్తులు రెచ్చిపోయి విద్యార్థులపై దాడులకు పాల్పడడాన్ని ఆయన ఖండించారు. విశ్వవిద్యాలయాల్లో మతోన్మాద కార్యకలాపాలు నిషేధించాలని మతోన్మాదులపై కేసులు బనాయించాలని ఆయన డిమాండ్ చేశారు. విద్యార్థి సంఘాలు వాయిస్ విశాఖ ఆంధ్ర యూనివర్సిటీలో ఆర్ఎస్ఎస్ మతోన్మాద శక్తుల కార్యకలాపాలు నిషేధించాలని కోరుతూ ఎస్ఎఫ్ఐ ఆధ్వర్యంలో విజయవాడలో రౌండ్ టేబుల్ సమావేశం నిర్వహించారు. ఎంబి విజ్ఞాన కేంద్రం లో జరిగిన ఈ సమావేశంలో విద్యార్థి సంఘ నాయకులతో పాటు పలువురు ప్రజా సంఘ నేతలు కూడా పాల్గొన్నారు. ఈ సందర్భంగా మాజీ ఎమ్మెల్సీ కెఎస్ లక్ష్మణరావు మాట్లాడుతూ వందేళ్ల చరిత్ర గల ఆంధ్ర విశ్వవిద్యాలయంలో మత విద్వేషాలు రెచ్చగొట్టే చర్యలను అందరూ ఖండించాలన్నారు. కూటమి ప్రభుత్వం అండదండలతో ఆర్ఎస్ఎస్ బిజెపి శక్తులు విశ్వవిద్యాలయ ప్రశాంత వాతావరణాన్ని నాశనం చేస్తూ మత విద్వేషాలు రెచ్చగొడుతున్నాయని ఆరోపించారు వీరి అరాచకాలు ఇలాగే కొనసాగితే విద్యార్థుల చదువులకు తీవ్ర ప్రమాదం ఏర్పడే అవకాశం ఉందని ఆందోళన వ్యక్తం చేశారు. మత విద్వేషంతో సెక్యూరిటీ ఆఫీసర్ ఇమ్మానుయేల్ ను బాధ్యతలనుంచి తప్పించటం దారుణమ న్నారు యూనివర్సిటీలో భయానక పరిస్థితులు సృష్టిస్తున్న ఆర్ఎస్ఎస్ పై చర్య తీసుకోవాలని డిమాండ్ చేశారు. ఎస్ఎఫ్ఐ రాష్ట్ర కార్యదర్శి ప్రసన్నకుమార్. ఏఐఎస్ఎఫ్ నాయకుడు నాజర్, పిడిఎస్యు నాయకుడు రాజేష్, ఎస్ఎఫ్ఐ నాయకురాలు కుసుమాంజలి తదితరులు మాట్లాడుతూ ఆర్ఎస్ఎస్ మతోన్మాద శక్తులు యూనివర్సిటీలో దౌర్జన్యంగా చొరబడి మత విద్వేషాలు రెచ్చగొట్టే ప్రసంగాలు చేయడమే కాక విద్యార్థి సంఘాల జెండా పోల్స్ ధ్వంసం చేశాయని ఆరోపించారు. ఆర్ఎస్ఎస్ గూండాలు సృష్టిస్తున్న అరాచకాలపై పోలీసులకు ఫిర్యాదు చేసినా చర్యలు తీసుకోవడం లేదన్నారు యూనివర్సిటీ ప్రశాంత వాతావరణాన్ని దెబ్బతీస్తున్న ఆర్ఎస్ఎస్ మతోన్మాద శక్తులపై చర్యలు తీసుకొని పక్షంలో ఆందోళన చేపడుతామని హెచ్చరించారు.