Ак-Суудагы айыл өкмөттүн имаратынын алдына тургундар чогулду скачать в хорошем качестве

Ак-Суудагы айыл өкмөттүн имаратынын алдына тургундар чогулду

Маман айылында ичүүчү таза суу 5 күндөн бери жок болгондугунан улам тургундар айыл өкмөттүн имаратынын алдына чогулду. Бул тууралуу аймактык кабарчы билдирди. Маалыматка караганда, таза суунун жоктугунан улам кыйынчылыктарды тарткан айыл эли Каракол шаарынан жана жакынкы айылдардан суу ташууга аргасыз болушууда. «Бет жууганга суу жок. Кирди шаардагы уул-кыздарыбызга алып барып, жуудуруп жатабыз. Беш күндөн бери кыйналдык, кечээ айыл өкмөткө келгенбиз. Качан чечилерин билбейм», - дейт Маман айылында 50 жылдан бери жашаган Алтынкул Кыдыкова. «Маман айылында 2014-жылы таза суу кирген. Төрт жылдан бери таза суу көйгөйү болуп келет. Апрель айынан сентябрь айына чейин суу чыкпай калчу. Азыр ноябрь болду суу жок. Мен өзүм жаңы конушта турам. Айылда эки көчөөдө суу агып жатат. Бул мамеле боюнча эки күндөн бери айыл өкмөткө келип жатабыз», - дейт айыл тургуну Саяна Шаршеева. Нааразы болуп чогулган эл менен Алтын-Арашан айыл аймагынын башчысы Эрмек Кулетов жолукту. Маселе боюнча таза суунун жетекчиси Ракымбек Осмонов көйгөй эмнеден улам башталганын айтты. «Бизде 2007-жылы суу кирди. Ага чейин суу көйгөйү чоң болгон. Алгачкы жылдары эл жакшы сууга болгон төлөмүн учурунда төлөшчү. Азыр 700 миң сомго жакын эл карыз. Биз маяна албай иштеп жатабыз. Азыр насостун крилчаткасы жарактан чыкты. Мунарага суу толтуралбай жатат. Аз өлчөмдө чыгып, борбордук көчөлөргө гана суу анып кетип жатат. Толук эмес. Чет жактарга суу теппей жатат», - дейт ал.