යමක සූත්‍රය - Ven Kothmale Kumara Kassapa Thero (2017-11-28) скачать в хорошем качестве

යමක සූත්‍රය - Ven Kothmale Kumara Kassapa Thero (2017-11-28)

"මේ පුද්ගලයෙක් නෑ, ජීවියෙක් නෑ කියන පරම ශුණ්‍යතාවයක් නෙවෙයි.. මේ කතා කරන්නෙ නිරෝධය ශාක්සාත් කිරීම තුළ ඇතිවෙන ධර්මතාවයක්.. දැන් ප්‍රශ්නය තමයි රහතන් වහන්සේ කෙනෙක් ඉන්නවද, නිරෝධයෙන්, මරණින් පස්සෙ කියන එක? පහනක් පත්තු කරලා තියෙනවා. පහන් දැල්ල දිහා බලලා පහන නිවුනට පස්සෙ ඔබ කියනවා පහන් දැල්ල දැන් නෑ කියලා.  නැති වුන දැල්ල තියෙනවද? නැහැ. දැල්ලත් නැහැ නැති වුන දැල්ලත් නැහැ. ඔයගොල්ලො දැල්ල නැහැ කියන්නෙ දැල්ල තිබුන බව එක්ක නෙවෙයිද? පහන් දැල්ල නැහැ කියන එක එක අන්තයක්. පහන් දැල්ල තියෙනවා කියන එක තව අන්තයක්. දැල්ල තියෙනවා කියන එක ගන්න. ඔය මොහොතෙ දැල්ල තියෙනවා කියන්නෙ තෙලත්, තිරෙත් නිසා. ඒ වැය වෙන තෙල් ටික නිසයි දැල්ල හැදිලා තියෙන්නෙ. ඒ වැයවෙන තිරය නිසයි දැල්ල හැදිලා තියෙන්නෙ. හැබැයි ඒ දැල්ල ඒ මොහොතෙම නැති වෙලා නැද්ද? එතකොට ඒ තෙලුයි, තිරෙයි, වැටියයි කියන එක ඒ මොහොතෙම නැති වෙලා නැද්ද? ඉතිරි නැතිව නැති වෙලා නැද්ද? ඉතින් පත්තු වෙලා තියෙන කොටත් පවතින්න දැල්ලක් නොතිබුනා නම් ඒ මොන දැල්ලද දැන් නිවුනයි කියන්නෙ? ඒ නිසා ඇත කියන එක එක අන්තයක්, නැත කියන එක එක අන්තයක්. මේ ඇත සහ නැත කියලා පනවන්න බැරි තැනට නිරෝධය පෙන්නන එකට කිව්වා මධ්‍යම ප්‍රතිපදාව කියලා.." පූජ්‍ය කොත්මලේ කුමාරකස්සප ස්වාමීන් වහන්සේ බෙරික් ශාක්‍යමුනි සම්බුද්ධ විහාරය - මෙල්බන් නුවර (2017-11-28)