TVB同行新世代節目巡禮｜全新劇集節目搶閘公佈 客戶廣告商率先了解來年攻勢 скачать в хорошем качестве

TVB同行新世代節目巡禮｜全新劇集節目搶閘公佈 客戶廣告商率先了解來年攻勢

TVB同行新世代節目巡禮｜全新劇集節目搶閘公佈 客戶廣告商率先了解來年攻勢 《TVB同行新世代節目巡禮2026》星期二晚於西九文化區嘅戲曲中心盛大舉行，近百位藝員同事帶住佢哋參與嘅全新作品，為廣告商同客戶介紹來年劇集、綜藝等項目。 全新即將推出嘅強大劇集，包括有《飛常日誌II》、《模仿人生》、《武林》、《香港探秘地圖》、《夫妻的博奕》、《玫瑰戰爭》、《正義女神Themis》以及《璀璨之城》。 而8部重頭劇集當中， 高海寧 一人就獨攬一半演出， 馬國明 亦參與3部成為產量之王。佢哋兩位都指，新作主題同角色都有非常大分別，多謝監製俾機會自己參與唔同挑戰，馬明仲話係非常好玩嘅事，更即場呼籲客戶有廣告機會可以隨時邀約，高Ling仲指非常有信心可以同馬明成為最佳螢幕情侶呀。 姜大衞 同 陳煒 透露參與嘅《璀璨之城》角色，John哥指自己同兩個寶貝仔都係奸角，而煒哥就指自己雖然《巨塔之后》霸氣橫蠻，不過新劇有John哥就唔敢亂嚟咁話喎。黃智賢 演出嘅《武林》將會安排推出，阿Ben就指非常期待，因為故事同拍檔都非常新鮮，仲大讚 周嘉洛 細心又聰明。 姚子羚 就透露《玫瑰戰爭》拍攝已到結尾階段，不過煎Pan就指三位參與嘅視帝，喺劇中都只係綠葉，大家要留意玫瑰們爭妍發生嘅故事咁話。至於唔知會以為係綜藝節目嘅《香港探秘地圖》，視后 龔嘉欣 就同 倪嘉雯 孔德賢 一齊解釋，指故事神秘懸疑，叫觀眾一定要小心理留意呀。 至於綜藝節目方面，大收旺場嘅《女神配對計劃》將捲土重來，亦新增《鑽石戀愛計劃》、《空運世一》、《他們的澳洲駕期》、《周遊人生》、《江湖見2》、《神秘顧客》、《尋歡作樂的姐姐》、《渣男記》、《走過歷史大地》、《唱錢》、《「型」戰50+》以及皇牌節目《中年好聲音4》。 呢日幾對配對成功嘅女神CP都有現身，「GPS」嘅日本行，原來促成嘅仲係未來奶奶GM媽咪，Sophie仲話GM行程做晒功課，非常滿意。而金牌媒人成功個案再加添數字嘅阿Bob 林盛斌，就同仍未有伴嘅Carman同Step一齊受訪，佢仲想再叫兩位再參加配對呀，至於《鑽石戀愛計劃》，佢就話將全球招募25歲以上嘅鑽石盛男、盛女，藝人素人一樣歡迎，主播 許文軒 仲即場被招攬加入，更話要掹埋Mayanne落水喎。 黃翠如 同 蕭正楠 亦將各自主持新旅遊節目，翠如同好拍檔 洪永城 將由AI技術協助尋古探秘，而阿蕭就同幾位老友浪遊澳洲，呢日仲指當時正值BB出世冇耐，滿心不是味兒，仲話兩公婆發展到後來，係會向出外工作嘅另一半狂Send BB片段，用情緒勒索對方快快返歸呀。 呢日嘅節目巡禮現場設有唔少打卡熱點，當中至受歡迎相信係《飛常日誌2》嘅機艙佈景，加上充滿靚仔靚女機師空服員，唔少客戶都被吸引同藝人合影留念喇。 周嘉洛 呢日大受歡迎，同馬明一樣參與三部新劇嘅佢，仲即時賣口乖，指自己同馬明都又平又好用，工作認真，非常歡迎大家邀請呀。至於戴祖儀 梁凱晴 同 劉穎鏇 三位靚空姐，就指大量廣告都適合佢哋演出喇。 而 羅子溢 張振朗 同 張曦雯 一樣盛裝出現，又當呢晚係Party一樣，同各位客戶見面最開心呀。 #TVB同行新世代節目巡禮 #飛常日誌II #模仿人生 #武林 #香港探秘地圖 #夫妻的博奕 #玫瑰戰爭 #正義女神Themis #璀璨之城 #女神配對計劃2 #鑽石戀愛計劃 #空運世一 #他們的澳洲駕期 #周遊人生 #江湖見2 #神秘顧客 #尋歡作樂的姐姐 #渣男記 #走過歷史大地 #唱錢 #型戰50+ #中年好聲音4 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0