Əziyyətə qarşı səbir etmək üçün peyğəmbərləri nümunə götürmək | Riyadus Salihin #1 | Hədislər: 42-49 скачать в хорошем качестве

Əziyyətə qarşı səbir etmək üçün peyğəmbərləri nümunə götürmək | Riyadus Salihin #1 | Hədislər: 42-49

Riyad əs-Salihin (Salehlər bağçası) | Fəsil 3 | Səbir bölümü | Hədislər: 42-49 Hədis 42: Abdullah bin Məsud radiyallahu anh belə dedi: Hüneyn döyüşündən əldə olunan qənimətləri bölüşdürərkən Rəsulullah səllallahu əleyhi və səlləm bəzilərinə digərlərindən çox verdi. Aqra bin Harisə yüz dəvə, Üyeynə bin Hısna da bir o qədər dəvə verdi. Adlı-sanlı ərəblərə də həmin gün pay bölüşdürərkən artıqlaması ilə verdi. Belə olan təqdirdə bir nəfər: Vallahi, bu ədalətli bölgü deyil. Burada Allahın rizasını görmürəm, -dedi. Mən də: Allaha and içirəm ki, mən bunu Rəsulullaha söyləyəcəyəm, dedim. Gedib onun dediklərini söylədim. Rəsulullah səllallahu əleyhi və səlləmin üzü (qəzəbindən) qıpqırmızı oldu. Sonra belə cavab verdi: “Allah və Rəsulu da ədalətli olmadıqdan sonra heç kim ədalətə riayət etməz”. Sonra sözünə belə davam etdi: “Allah Musaya rəhmət etsin. O, bundan da ağır ittiham olunmuş və səbir etmişdi”. Mən (öz-özümə) bundan sonra başqasının sözünü Rəsulullaha çatdırmayacağıma söz verdim. (Buxari, Fərzul-xumus 19; Müslim, Zəkat, 140) Hədis 43: Ənəs bin Malik radiyallahu anhdan rəvayət edildiyinə görə Rəsulullah səllallahu əleyhi və səlləm belə buyurdu: “Allah yaxşılığını istədiyi qulunun cəzasını dünyada verər. Pisliyini istədiyi qulunun cəzasını isə qiyamət günü günahını yüklənib gəlməsi üçün dünyada verməz”. Nəbi səllallahu əleyhi və səlləm belə buyurmuşdur: “Mükafatın böyüklüyü bəlanın şiddəti nisbətindədir. Allah sevdiyi qövmü (toplumu) bəlaya düçar edər. Kim başına gələnə riza göstərərsə, Allah ondan razı olar. Kim riza göstərməzsə, Allahın qəzə- binə düçar olar”. (Tirmizi, Zöhd 57; Həmçinin bax. İbn Macə, Fitən 23) Hədis 45: Əbu Hüreyrə radiyallahu anhdan rəvayət edildiyinə görə Peyğəmbər səllallahu əleyhi və səlləm belə buyurdu: “Əsil pəhləvan güləşdə qalib gələn deyil, qəzəbləndiyi zaman hirsini boğan kəsdir”. (Buxari, Ədəb 76; Müslim, Birr 107-108) Hədis 46: Süleyman bin Surad radiyallahu anh belə dedi: Bir gün Nəbi səllallahu əleyhi və səlləmin yanında oturmuşdum. İki nəfər bir-birini söyürdü. Onlardan birinin üzü qəzəbindən qıpqırmızı olmuş, boynunun damarları şişib çölə çıxmışdı. Bunu görən Rəsulullah səllallahu əleyhi və səlləm belə buyurdu: “Mən bir söz bilirəm, əgər bu adam həmin sözü söyləsə, hirsi soyuyar. Əgər o “əuzu billəhi minəş-şeytanir-racim - İlahi rəhmətdən qovulmuş şeytandan Allaha sığınıram” desə, bu halı keçib gedər”. Oradakılar Nəbi səllallahu əleyhi və səlləmin ona “ilahi rəhmətdən qovulmuş şeytandan Allaha sığın”, - tövsiyəsini çatdırdılar. (Buxari, Bədul-xalq 11, Ədəb 44, 76; Müslim, Birr 109) Hədis 47: Muaz bin Ənəs radiyallahu anhdan rəvayət edildiyinə görə Nəbi səllallahu əleyhi və səlləm belə buyurdu: “Gərəyini etməyə gücü çatdığı halda hirsini boğan kəsi Allah qiyamət günü hamının gözü qarşısında çağırar, onu hurilər arasında istədiyini seçməkdə sərbəst buraxar”. (Əbu Davud, Ədəb 3; Tirmizi, Birr 74; Qiyamət 48. Həmçinin bax. İbn Macə, Zöhd 18) Hədis 48: Əbu Hüreyrə radiyallahu anhdan rəvayət edildiyinə görə bir nəfər Nəbi səllallahu əleyhi və səlləmə: Mənə nəsihət et,- dedi. Peyğəmbər səllallahu əleyhi və səlləm də ona: “Qəzəblənmə!” - buyurdu. Həmin adam istəyini bir neçə dəfə təkrar etdi. Peyğəmbər səllallahu əleyhi və səlləm də (hər dəfə israrla): “Qəzəblənmə!” - buyurdu. (Buxari, Ədəb 76. Həmçinin bax. Tirmizi, Birr 73) Hədis 49: Əbu Hüreyrə radiyallahu anhdan rəvayət edildiyinə görə Rəsulullah səllallahu əleyhi və səlləm buyurdu: “Kişi və ya qadın mömin günahsız halda Allaha qovuşana qədər özündən, övlad-uşağından, malından bəla əskik olmaz”. (Tirmizi, Zöhd 57) Sosial şəbəkələrdə bizi izləməyi unutmayın: Saytımız: https://ixlasla.com Youtube:    / ixlasla   Instagram:   / ixlaslacom   Telegram: https://telegram.me/ixlasla Twitter:   / ixlaslacom   Facebook:   / ixlasla   Facebook:   / ixlaslacom   #AdilRəcəbov #SalehlərBağçası #ilahiyyatçıAdilRəcəbov #AdilRəcəbovRiyadusSalihin