Kerala Local Body Elections | BJP Fields Muslim Candidates in Malappuram | Keralakaumudi скачать в хорошем качестве

Kerala Local Body Elections | BJP Fields Muslim Candidates in Malappuram | Keralakaumudi

ആനനിന്നാലും ചെരിഞ്ഞാലും ലക്ഷങ്ങള്‍ എന്നു പറഞ്ഞതു പോലെയാണ് എ പി അബ്ദുള്ളക്കുട്ടിയുടെ കാര്യം. സിപിഎമ്മിലുണ്ടായിരുന്നപ്പോള്‍ രണ്ടു വട്ടം എംപി. അവിടുന്ന് കോണ്‍ഗ്രസിലേക്ക് മറുകണ്ടം ചാടിയപ്പോള്‍ രണ്ടു വട്ടം എംഎല്‍എ. ഇപ്പോഴിതാ ബിജെപിയിലേക്ക് എത്തിയപ്പോള്‍ പാര്‍ട്ടിയുടെ ദേശീയ വൈസ് പ്രസിഡന്റ്. അനുകൂലിക്കുന്നവരും എതിര്‍ക്കുന്നവരും വിളിക്കുന്നതു പോലെ ശരിക്കും അത്ഭുതക്കുട്ടിയായി മാറി അബ്ദുള്ളക്കുട്ടി. എന്നാല്‍ ബിജെപിയില്‍ ചേര്‍ന്ന അബദുള്ളക്കുട്ടിയുടെ ഉയര്‍ച്ച ആരെയും വിസ്മയിക്കുന്ന തരത്തിലുള്ളതായിരുന്നു. പാര്‍ട്ടിക്കുള്ളിലെ താപ്പാനകളായ നേതാക്കളുടെ വരെ നെറ്റി ചുളിപ്പിച്ചു. ദേശീയ മുസ്ലീമെന്നു അബ്ദുള്ളക്കുട്ടി നടത്തിയ സ്വയം വിശേഷണത്തെയും പലരും പരിഹസിച്ചു. എന്നാല്‍ ബിജെപിയെപ്പോലും ഞെട്ടിക്കുന്ന വിധത്തിലാണ് കാര്യങ്ങളുടെ പോക്ക്. സംസ്ഥാനത്ത് പാര്‍ട്ടിയുടെ ചരിത്രത്തിലാദ്യമായി മുസ്ലിം സ്ഥാനാര്‍ഥികളെ മത്സരരംഗത്ത് ഇറക്കാന്‍ കഴിഞ്ഞതിന്റെ സന്തോഷത്തിലാണ് ബിജെപിയിപ്പോള്‍. ഇതിന് പിന്നില്‍ എ പി അബ്ദുള്ളക്കുട്ടിയുടെ കടന്നുവരവാണെന്നാണ് ബിജെപി സംസ്ഥാന നേതൃത്വത്തിന്റെ വിലയിരുത്തല്‍. സംസ്ഥാനത്തെ തദ്ദേശ തെരഞ്ഞെടുപ്പില്‍ അറുപതോളം മുസ്ലിം സ്ഥാനാര്‍ത്ഥികളെയാണ് ബിജെപി മത്സരരംഗത്ത് ഇറക്കിയത്. ഇതില്‍ 16 പേര്‍ സ്ത്രീകളാണ്. കോഴിക്കോട് ജില്ലയില്‍ മാത്രം ആറുപേരാണ് എന്‍ഡിഎക്ക് വേണ്ടി നാമനിര്‍ദ്ദേശ പത്രിക സമര്‍പ്പിച്ചത്. ഇതില്‍ കോഴിക്കോട് കോര്‍പ്പറേഷനില്‍ കുറ്റിച്ചിറയില്‍ ആദ്യമായാണ് ബിജെപി സ്ഥാനാര്‍ത്ഥിയെ നിര്‍ത്തിയത്. അബ്ദുള്ളക്കുട്ടിയുടെ സഹോദരന്‍ എപി ഷറഫുദ്ദീനും കണ്ണൂര്‍ നാറാത്ത് പഞ്ചായത്തില്‍ എന്‍ഡിഎ സ്ഥാനാര്‍ത്ഥിയായി മത്സരിക്കുന്നുണ്ട്. ഭാഗ്യാന്വേഷി, അവസരവാദി, കാലുമാറ്റക്കാരന്‍ എന്നീ വിശേഷണങ്ങളോടെ ഒരു വര്‍ഷം മുന്‍പ് മാത്രം ബിജെപിയില്‍ ചേര്‍ന്ന എപി അബ്ദുള്ളക്കുട്ടിയെ വൈസ് പ്രസിഡന്റ് ആക്കിയതിനെതിരെ പാര്‍ട്ടിയില്‍ മുറുമുറുപ്പുണ്ടായിരുന്നു. ദേശീയ ഭാരവാഹി പട്ടികയില്‍ കേരളത്തിലെ മുതിര്‍ന്ന നേതാക്കളായ കുമ്മനം രാജശേഖരനുമൊക്കെ അര്‍ഹമായ പരിഗണന കിട്ടാത്തതില്‍ ആര്‍എസ്എസിനും അതൃപ്തി ഉണ്ടായിരുന്നു. സംസ്ഥാന നേതൃത്വവുമായി അകന്നുകഴിയുന്ന ശോഭാ സുരേന്ദ്രനും ദേശീയതലത്തില്‍ പ്രാധിനിധ്യം കിട്ടുമെന്ന് പ്രതീക്ഷിച്ചിരുന്നു.