Գրեթե վեց տասնամյակ ԵՊՀ-ում. Ռուբեն Հարությունյանի գիտական ճանապարհը скачать в хорошем качестве

Գրեթե վեց տասնամյակ ԵՊՀ-ում. Ռուբեն Հարությունյանի գիտական ճանապարհը

Գրեթե վեց տասնամյակ միևնույն միջավայրում աշխատելը պարզապես աշխատանքային կենսագրություն չէ, այլ մի ամբողջ կյանք։ ԵՊՀ կենսաբանության ֆակուլտետի երկարամյա աշխատակից, կ․գ․դ․, պրոֆեսոր Ռուբեն Հարությունյանի համալսարանական կյանքի շրջափուլը սկսվել է 1964 թ․, երբ նա՝ որպես ուսանող, առաջին անգամ ոտք դրեց համալսարան՝ ընտրելով գենետիկայի և բջջաբանության աշխարհը։ Սակայն տարիները ցույց տվեցին, որ այդ ընտրությունը ոչ միայն մասնագիտական որոշում էր, այլև ամբողջ կյանքի ուղի։ Արդեն 1972 թվականից նա շարունակեց իր գործունեությունը որպես Գենետիկայի և բջջաբանության ամբիոնի վարիչ։ Միաժամանակ ղեկավարել է նաև ԵՊՀ կենսաբանության գիտահետազոտական ինստիտուտի ընդհանուր և մոլեկուլային գենետիկայի լաբորատորիան՝ իր գիտական փորձը փոխանցելով նոր սերնդին։ Ռուբեն Հարությունյանի պատմությունը համալսարանի հետ կապված հիշողությունների մի ամբողջ շղթա է։ Նա ժպիտով է հիշում անցած տարիները՝ խոսելով այն ժամանակների մասին, երբ համալսարանն ու գիտությունը ապրում էին այլ ռիթմով, սակայն նույն նվիրումով։ Տասնամյակների ընթացքում փոխվել են տեխնոլոգիաները, գիտական գործիքները, կրթական հնարավորությունները, սակայն, ըստ պրոֆեսորի, անփոփոխ են մնացել գիտության նկատմամբ սերը և համալսարանի առանձնահատուկ մթնոլորտը։ 62 տարվա մասնագիտական ճանապարհ անցած պրոֆեսորի համոզմամբ՝ իրական գիտնականի ճանապարհը երբեք չի ավարտվում․ այն շարունակվում է մշտական որոնումների և ինքնազարգացման միջոցով։