AGA 所經歷的Writer's Block ｜故歌仔｜曾經以為林若寧係女仔！？👧🏻 скачать в хорошем качестве

AGA 所經歷的Writer's Block ｜故歌仔｜曾經以為林若寧係女仔！？👧🏻

用一年半時間入住「少林寺」完成概念大碟《Writer’s Block》 《Writer’s Block》係AGA送俾自己嘅一份「小禮物」。當AGA得悉自己有機會出概念大碟，即閉關4個月準備，當中嘅歌曲冇限制語言或歌曲類型。當中故事嘅角色都係冇設計名字，希望大家容易代入角色去反映自己唔同嘅狀態。 AGA與填詞人合作嘅火花 AGA認為歌曲係有靈魂、有故事，所以身為作曲人嘅佢通常都會為demo寫少少詞，但AGA仍會留想像空間俾填詞人。每當佢每次收到填詞人完整嘅作品都好似感受到寫情信得到回應嘅浪漫。其實AGA出道前已同林若寧合作，二人合作多年但甚少見面，AGA曾有一段長時間以為佢係女人。 AGA更分享佢寫過一首關於toxic relationship嘅歌曲，曾經有一次喺地鐵閱讀「回信」時感覺似被第三者開解自己。 《Writer’s Block》由人生嘅恐懼開始 「Writer’s Block」直解腦閉塞，監製同AGA講過，「傳說中每個唱作人只有3-4碟嘅壽命，可能有一日你再寫唔到歌」。雖然呢件事仍未喺AGA身上發生，但可能係AGA內心最大嘅恐懼。 從小被灌輸「好」嘅生活方程式，搵一份好工，有車有樓，有家庭，仔女成材⋯⋯好似亦係一種「快樂」嘅方程式，但呢個方程式未切適合每一個人。《Writer’s Block》想讓大家搵到自己生命中最重要嘅事，或者令自己最快樂嘅事。生於生活節奏快嘅香港，大家可能會將自己嘅感受放到好低。當每日重複一樣嘅工作，一旦comfort zone出現就會產生跳出嘅恐懼。 AGA希望大家聽完《Writer’s Block》嘅故事再回望自己，當你對生命有固定嘅睇法可以試下另一個角度或出口。 原來《Writer’s Block》令團隊經歷「Writer’s Block」 MV 導演Sheng 及創作總監Colin 各有主見，過程中不停ban 大家嘅意見。礙於資源有限，無法將每一首歌、每個故事以影像呈現，連同track list、MV同實體大碟，三件事先成就完整嘅《Writer’s Block》。 雖然我哋做訪問嘅時候未聽晒成隻碟，但大家是必須完整地去聽成隻碟!! ‪@universalmusichk‬