Aksyon Laban sa Kahirapan - Season 2 – Episode 68 скачать в хорошем качестве

Aksyon Laban sa Kahirapan - Season 2 – Episode 68

Tampok sa ika-68 na episode ang panayam ni Cybercrime Investigation Coordinating Center (CICC) Deputy Executive Director, Undersecretary Atty. Renato Paraiso sa programang Rise and Shine Pilipinas ng PTV-4, Nobyembre 27. Tinalakay ni Usec. Paraiso na patuloy nilang mino-monitor ang mga kaso ng Online Sexual Abuse and Exploitation of Children (OSAEC) at Child Sexual Abuse or Exploitation Materials (CSAEM). Ibinahagi rin niya na malaki na ang ibinaba ng bilang ng mga kasong ito ayon sa Inter-Agency Council Against Trafficking (IACAT). Dagdag pa niya na kahit miyembro ang CICC ng IACAT, patuloy pa rin silang nakikipagtulungan sa iba pang ahensya ng pamahalaan, lalo na sa Council for the Welfare of Children (CWC) sa ilalim ng Department of Social Welfare and Development, at sa mga law enforcement agencies, upang higit pang palakasin ang kampanya laban sa pang-aabuso at pagsasamantala sa mga bata. Binigyang-diin din niya na kailangang bantayan at gabayan ng mga magulang o tagapag-alaga ang mga bata, dahil may mga pagkakataong akala natin ay inosente lamang silang nagba-browse o nanonood, ngunit hindi nababantayan kung naaangkop ba ang mga ‘content’ ng kanilang nakikita o napapanood online. Hindi tulad ng telebisyon, maaaring magpakita ng nakatagong panganib ang mga online platform dahil sa paggamit ng mga personal na device. Hinihikayat niya ring kausapin sila tungkol sa online safety at wastong paggamit ng internet. Ayon pa kay Usec. Paraiso, bukod sa OSAEC at CSAEM, malaking isyu rin para sa kabataan ang cyberbullying, kaya nagtatag ang CICC ng Threat Monitoring Center upang masubaybayan ang mga kasong ito. Bilang bahagi ng IACAT, mino-monitor nila ang online spaces, at kapag may lumalabag sa community standards sa social media platforms, kanilang inaabisuhan ang mga kumpanya upang tanggalin ang mga ito. Gayundin sa kaso ng mga mapanganib na websites, aktibo rin ang CICC sa pag-takedown at pag-block ng mga ito. Inilahad din ni Usec. Paraiso ang kahalagahan ng convergence, dahil naniniwala siyang sa panahon ngayon, hindi kayang gawin ito ng iisang ahensya lamang. Hindi lang ito whole-of-government approach kundi whole-of-nation approach. Aniya, patuloy na nakikipag tulungan ang CICC sa pribadong sektor, sa publiko, at mga partner, na nakasalalay sa kooperasyon ng mga mamamayan na tumutulong sa pagsubaybay, pag-detect, at pagbibigay ulat sa mga banta online. #NAPC26 #AksyonLabanSaKahirapan #BagongPilipinas