YOSHLIK G'ANIMATI скачать в хорошем качестве

YOSHLIK G'ANIMATI

Ёшлик ғанимати #Shayx_Sayyid_Rahmatulloh_Termiziy​​​​​​​​​​​​ YOSHLАR ODOBI Inson hayotining har bir bosqichi muhimdir. Mazkur muhim bosqichlar ichida umrning yoshlik bosqichi alohida ahamiyatga egadir. Yoshlik inson umridagi eng nozik davr hisoblanadi. Yoshlik insonning quvvatga toʼlgan va harakatchanligi ziyoda boʼlgan vaqtidir. Shu bilan birga, yoshlik davri insonning hayot yoʼllarining chorrahasida turgan payti hamdir. Аgar oʼsha chorrahada inson yaxshi yoʼlga kirib qolsa, oʼzi, oilasi, qarindoshlari, xalqi, vatani uchun juda katta yaxshilik sari yuz burgan boʼladi. Bu uni dunyo va oxirat baxtiga, saodatiga erishtiradi. Аgar, Аlloh taolo koʼrsatmasin, mazkur chorrahada yomon yoʼlga burilib ketsa, oʼzi, oilasi, qarindoshlari, xalqi va vatani uchun oʼta koʼngilsiz hodisa sari qadam qoʼygan boʼladi. Bu bilan uning dunyo va oxiratda yaxshilikka erishishi qiyinlashib qoladi. Qurʼoni karimda Аlloh taolo sodiq moʼmin bandalarini sifatlashda ularning yosh ekanliklarini taʼkidlab: إِنَّهُمۡ فِتۡيَةٌ ءَامَنُواْ بِرَبِّهِمۡ "Аlbatta, ular Robblariga iymon keltirgan yigitlardir" (Kahf surasi, 13-oyat). Ibn Masʼud roziyallohu anhudan rivoyat qilinadi: "Nabiy sollallohu alayhi vasallam dedilar: "Qiyomat kuni odam bolasining qadami to undan besh narsa haqida: umrini nimaga sarflagani, yoshligini nimaga ketkazgani, molini qaerdan kasb qilgani va qaerga sarflagani, bilganiga qanday amal qilgani haqida soʼralmagunicha Robbi huzuridan uzilmaydi". Termiziy rivoyat qilgan. — Yoshlik odoblaridan eng muhimi ota-onaga yaxshilik qilishdir. — Yoshlik odoblaridan biri yoshi ulugʼlarni ehtirom qilish va ularning tajribasidan foydalanishdir. — Yoshlik odoblaridan biri oliyjanob axloqlargaahamiyat berib, ular bilan xulqlanishdir. — Yoshlik odoblaridan biri shaytonning igʼvosidan va noqobil ulfatlardan hazir boʼlishdir. — Yoshlarin igʼvoga soladigan shayton malaylaridan eng ashaddiysi nafs shahvatidir. — Yoshlarini igʼvoga soladigan shayton malaylaridan yana biri yomon doʼstdir. — Yoshlarini igʼvoga soladigan shayton malaylaridan yana biri buzuq yoʼllarga chaqiruvchi dinlar, firqalar, oqim, hizb va guruhlardir. — Yoshlik odoblaridan biri kelajakka umid bilan qarash va yetuk inson boʼlish uchun harakat qilishdir. Shayx Muhammad Sodiq Muhammad Yusuf