IJAMBO RY'INDONGOZI 1. GÉN MAJ NDAYISHIMIYE ÉVARISTE AYAGIRA ABASERUKIZI B'AMAKUNGU BABA MU BURUNDI скачать в хорошем качестве

IJAMBO RY'INDONGOZI 1. GÉN MAJ NDAYISHIMIYE ÉVARISTE AYAGIRA ABASERUKIZI B'AMAKUNGU BABA MU BURUNDI

Aha birakwiye ko tuvugana ukuri. Ni ngombga ko tuvugana ukuri. Dushaka kurandurana n’imizi amabi y’ugukena kubangamiye Afrika tubgirizwa kwibaza inzira ubgo bukene buzanana. Ko ibihugu vya Afrika bisanzwe bifise ibituma simusiga vyo gukenuka bibangamiwe n’imigwi y’iterabgoba maze iyo migwi igafatwa mu mugongo n’ibihugu bimwe bimwe vya Bukaya na Amerika. Murabona ibiriko biraba hano hafi y’iwacu, none ni kubera iki ata co mubivugako? None amakungu ntabona ingaruka mbi zavyo? Ndababgiye ko bibandanije ukwo, ingwano simusiga izohakwa kuba iy’akarere kose. Ni kubera ko abenegihugu badashobora kubirenzako uruho rw’amazi. Urwanda rubandanije kuvogera intara zimwe zimwe z’ikindi gihugu, ndazi ko ruzoshika no mu Burundi kuko ruriko ruraha ibigwanisho urwaruka rw’impunzi z’Abarundi. Ubu Urwanda ruriko rubashurira ku risongoye mu ngwano yo muri Kongo ndazi umusi uri izina rushaka kuzotera Uburundi. Ivyo nta vyo tuzokwemera: ingwano simuziga izoca yugariza Afrika y’Ubuseruko yose uko yakabaye. Turazi umugambi wiwe: ni uwo uko ariko arategurira akaga Uburundi. Kandi amahirwe y’Abarundi ni uko twiteguye kuva kera na rindi. Iyo bija hose, amakungu yirabiye hirya, Uburundi bg’Abaryabakaravye bgôbgo ntibuzobireka ukwo. Ntibizokwijana. Ndagabishije kandi amakungu ko atobifata minenerwe. Turafise icuka kibi muri kano karere! Si mu Uburundi gusa bubangamiwe: Tanzaniya, Ubuganda, Kenya ni muri Afrika y’Ubuseruko yose hari icuka kibi cane. Muri Afrika y’Ubuseruko hose hari icuka kibi. Amahoro ahungabanye mu Buseruko bga Kongo ni Afrika y’Ubuseruko yose aba ahungabanye. Ntimwibaze ko ari Uburundi busa bubona ko bubangamiwe! Abanya-AYE bariko baragorerwa mu Buseruko bga Kongo, murabona iyo AYE iri? Yamara, umutekano muke mu Buseruko bga kongo urafise ingaruka mbi kuri AYE. None si ko biri ga Nyenicubahiro Muserukizi wa AYE mu Burundi? Mu vy’umutekano, turafise ibitubangamiye biturutse mu Buseruko bga Kongo. Mugabo mukareka ibintu bikunyuka gusumba uko biri ubu, mumenye neza ko ingaruka mbi zizoba mbi cane kuruta kandi igihugu cose kizokwibako. Mugabo jewe ndafise inama nari naragiriye Afrika y’Ubuseruko. Ndazi ko iyo uwo mugambi wanje ushirwa mu ngiro twobaye turi mu mahoro. Kubera, mbega murazi? Ni rwaba Urwanda rwishimikiza ko muri Kongo hoba hariyo FDLR, none si ikibazo cotorerwa umuti mu mutekano? Gutanga incungu ku Banyekongo, kugandagura ibihumbi n’ibihumbagiza vy’abantu ngo emama hariho icuka kibi? Ivyo ntivyoshobora gutorerwa umuti ata gusesa amaraso y’abenegihugu ata n’ico bazira? Ndazi neza ntakekereza ko Urwanda na Kongo bishobora kwumvikana ku vyerekeye itunganywa ry’abo bagwanyi. Jewe nyene naravuga ko hakwiye kuba urunani mpuzamakungu rugwanya abagwany b’abanyamahanga bari ku butakak bga Kongo. Ivyo iyoo bikaba vyari kuzosubiriza umutima mu nda Urwanda vyongeye bfashe Kongo kuja mu nzira y’amahoro arama. None habuze iki? None habuze iki? Ni uko hariho ababashingira impigi! Ahandi ho, twese tugiye hamwe ngo tugwanye imigwi y’abanyamahanga yitwaje ibigwanisho muri Kongo vyoba biheze kuko vyohumuriza Urwanda bikongera bigatera intége Kongo ngo itunganye igihugu mu mahoro n’umutekano. Ico cari ica mbere. Tuvuze abagwanyi ba M23. Jewe nari nagerageje ndavugana n’indongozi z’abagwanyi ba M23. Ndababgira nti : « Ni mwaba vy’ukuri mutari Abanyarwanda, ni ku ki mutemera gutanga imihoho kugira muje mu nzira y’ibiganiro vy’amahoro arama kuko musanzwe muri Abanyekongo mukunda igihugu c’amavukiro?». Tugeze aho, ico gihe bambariye bati : « Twebge turemeye!» kuko nababgira nti : « Igihe cose mutari mu kirindiro kizwi nta wuzotandukanya Umunyarwanda n’Umunyekongo. Ikiri ngombga ni uko mubanza kuja ahantu hazwi mu kirindiro. Ico gihe Abanyekongo bazoba bâzi aho muri bace rero batangura ibiganiro bishikana ku mahoro arama na bo Abanyarwanda bace basubizwa iwabo. Bitagenze ukwo, muzoguma murabga nk’uko muri Abanyarwanda!» Banyishuye bati : « Ingorane ni uko baduhatira kuja mu kirindiro c’ahantu ata muntu yohaba!». Ndavyumvise, jewe nararungitse ibisongerezi mu ntwaramiheto zanje kugenzura aho hantu! Hari ahantu hitwa Sabinyo. Basanze na bo nyene ata muntu yohaba. Rero naciye nsaba inama nshikiranganji ya Kongo ko yotora kubarungika ahandi hantu hashoboka yamara. Uri iyindi, Inama nshikiranganji ya Kongo yaremeye. Twaragiye kuraba aho hantu hitwa Romangabo. Twararungitse abagabisha bakuru b’ingabo z’ibihugu vyacu kuraba ko aho hantu hari abohaba. Basanze ata kihabuze, ata na kimwe wohagaya. Na M23 yari yemeye kuja muri ico kirindiro. Twari twahatunganije neza utoraba hari ivya ngombga, ata co wohagaya, ari aho kudaywa. Mugabo igihe nyezina co kuja muri ca kirindiro baciye basubira mu mishamirano n’ingwano. Kubera iki? Yamara… Iwanje… [...]