Скачать с ютуб 《莊子「魚之樂」番外篇》：你唔係我，點知我唔happy？ в хорошем качестве

《莊子「魚之樂」番外篇》：你唔係我，點知我唔happy？

#莊子 #惠子 #知魚之樂 莊子係戰國中期宋國著名思想家、哲學家、文學家，亦都係道家嘅代表人物。作為老子思想嘅繼承同發展者，後世將佢兩個人並稱「老莊」。 惠子係同莊子同期嘅一位學說名家；相傳佢博覽群書，讀過嘅竹簡可以裝滿晒五部牛車，「學富五車」呢個成語就係咁嚟。 今個視頻有兩位主角：莊子、惠子呢對莫逆之交。惠子同莊子嘅思想都有幾大出入，所以佢兩個傾起偈上嚟好多時都會擦出火花。 話說有日莊子同惠子約埋去濠水散步，行下行下行到一座橋梁。莊子響橋上面望落條河度，然後就話： 鯈魚出遊從容，是魚之樂也。 (你睇啲魚，響水裡頭悠悠閒閒咁游來游去，呢啲咪魚嘅快樂囉。) 惠子聽完就贈返佢一句： 子非魚，安知魚之樂？ (你又唔係魚，又點知啲魚快樂呢？) 高傲嘅莊子條氣點會順，於是就整句咁嘢彈返過去： 子非我，安知我不知魚之樂？ (你又唔係我，又點知我唔知啲魚快樂呀？) 惠子不慌不忙咁回應： 我非子，固不知子矣；子固非魚也，子之不知魚之樂... (我唔係你，當然唔知道你知乜；不過你都唔係魚，自然都唔會知啲魚快唔快樂喇...) 佢哋就係咁你一言我一語駁來駁去，邊個啱啲就真係見仁見智。不過大家唔知有冇留意呢個「魚之樂」嘅激辯其實蘊含咗一個警世概念： 子非我，安知我不樂？ (你又唔係我，你點知我唔happy？) 而呢個概念亦都可以睇做《莊子「魚之樂」番外篇》。 你哋患咗唐氏綜合症嘅，好多正常人有嘅嘢你哋冇， 睇你哋都唔會happy得去邊，真係講落都心悒！ 叔叔，你又唔係我哋，點知我哋唔happy呀？ 大佬，係呀，係呀，「子非我，安知我不樂？」 二佬，叻叻豬，心心豬！ 以上個案帶出咗一個啟示： 就算你閱人無數、個人幾咁精明，都唔好以為自己百分百了解其他人至得；咁係因為你唔係佢，甚至連佢自己都必可以做到了解自己。