【霍啟剛】我對財政預算案的幾點意見 скачать в хорошем качестве

【霍啟剛】我對財政預算案的幾點意見

立法會正在審議《2025年撥款條例草案》（二讀），對於今份 #財政預算案 ，體育 #盛事化 同 #產業化 係重點，政府而家商討緊如何優化「M」品牌制度，我特別認同政府會「更策略性地吸引為香港帶來顯著經濟效益的體育活動持續落戶香港」，希望政府可以考慮「打包」一啲場地、租金、稅務等等嘅支持，將呢個「package」帶出去爭取盛事落戶。 LIV Golf 2024香港站就為香港庫房帶來超過3300萬收入，而香港現時係亞洲少數能夠同時舉辦WTA同ATP網球賽事嘅城市，嚟緊政府可以考慮爭取更多及更高級別嘅賽事，甚至可以用產業角度，牽頭與商界商討合資購買 #國際盛事品牌權 ，既可自用亦可出租，為香港創造持續收益。體育界十分樂意與政府分享喺國際體壇上不同國家及地區嘅經驗，善用香港「 #內聯外通 」嘅優勢，為國家、為香港舉辦更多 #高質量體育盛事 。 喺文化藝術方面，首屆「 #香港演藝博覽 」（ #HKPAX )吸引咗好多外國文化藝術領袖同業界朋友來港，促成咗多項國際投資同巡演協議，期待「香港演藝博覽」能夠繼續深化國際交流；而配合國家文化出海嘅目標，希望政府能夠強化跨部門協作，文體旅局、商經局、駐外辦等等，能夠幫助更多內地電影、中華文化及香港文化，向世界推廣，擴大我哋嘅國際影響力。 文化體育發展，場地係十分重要，未來北部都會區用地會興建大型文體設施，但係如何營運係十分重要，我建議採用 #官商民合作 形式推進，改變以往只係由康文署管理及舉辦小規模活動嘅做法。好似而家 #啟德體育園 開幕，都不少人討論緊咁 #大球場 有乜嘢發展方向，希望政府可以盡快同業界商討，善用我哋呢個珍貴嘅場地資源。