၁၅ ကြိမ်မြောက် ခွပ်ဒေါင်းအလံတင်ခြင်းနှင့် ၃၆ နှစ်မြောက် ၈၈၈၈ အခမ်းအနားတွင် ဝန်ကြီးမှအမှာစကားပြောကြား скачать в хорошем качестве

၁၅ ကြိမ်မြောက် ခွပ်ဒေါင်းအလံတင်ခြင်းနှင့် ၃၆ နှစ်မြောက် ၈၈၈၈ အခမ်းအနားတွင် ဝန်ကြီးမှအမှာစကားပြောကြား

အမေရိကန်နိုင်ငံတွင်ကျင်းပသည့် ၁၅ ကြိမ်မြောက် ခွပ်ဒေါင်းအလံတင်အခမ်းအနားနှင့် ၃၆ နှစ်မြောက် ၈၈၈၈ အောက်မေ့ဘွယ်အခမ်းအနားသို့ ပြည်ထောင်စုဝန်ကြီး တက်ရောက်အမှာစကားပြောကြား ရက်စွဲ။ ဩဂုတ် ၁၁ ရက်၊ ၂၀၂၄ ခုနှစ် အမေရိကန်နိုင်ငံ၊ နယူးယောက်ပြည်နယ်၊ ဘက်ဖလိုမြို့တွင် ၁၅ကြိမ်မြောက် ခွပ်ဒေါင်းအလံတင်အခမ်းအနားနှင့် ၃၆နှစ်မြောက် ၈၈၈၈အောက်မေ့ဘွယ်အခမ်းအနားကို ဩဂုတ်လ ၃ရက်နေ့တွင်ကျင်းပခဲ့ရာ ပြည်ထောင်စုဝန်ကြီး ဦးထင်လင်းအောင်တက်ရောက်အမှာစကားပြောကြားခဲ့သည်။ ပြည်ထောင်စုဝန်ကြီးမှ အမှာစကားပြောကြားရာတွင် "ခွပ်ဒေါင်းအလံတော်ဆိုတာက ခေတ်အဆက်ဆက် တော်လှန်ရေးအင်အားစုတွေ၊ ကျောင်းသားအင်အားစုတွေကိုင်စွဲခဲ့ကြတဲ့ အလံတော်ဖြစ်တယ်။ အဖွဲ့အစည်းတွေအများကြီးပြောင်းသွားခဲ့တယ်၊ တော်လှန်ရေးတွေအများကြီးပြောင်းသွားခဲ့တယ်၊ ဒီအလံတော်ကတော့မပြောင်းလဲဘူး။ ဒီအလံတော်ရဲ့ရှေ့၊ ဒီအလံတော်အောက်မှာ ကျွန်တော်တို့တွေ တိုက်ပွဲဝင်ခဲ့ကြတာ ခေတ်အဆက်ဆက်ရှိခဲ့ပြီ။ ခေတ်တွေဘယ်လိုပြောင်းပြောင်း ဒီအလံတော်ကတော့ အခုအချိန်ထိ တိုက်ပွဲဆက်လက်ဝင်နေရတုန်းပဲဖြစ်တယ်။ မျိုးဆက်ဟောင်းတွေကနေ မျိုးဆက်သစ်တွေထိ လက်ဆင့်ကမ်းပြီး ကျွန်တော်တို့တွေ အလံမလှဲဘဲနဲ့ တိုက်ပွဲဝင်နေကြတာဟာ ဂုဏ်ယူစရာဖြစ်ပါတယ်။"ဟု ပြောကြားခဲ့သည်။ ဆက်လက်၍ ပြည်ထောင်စုဝန်ကြီးမှ " ဒီအလံတော်ကိုကျွန်တော်တို့က တော်လှန်ရေးအလံတော်ကနေ အောင်နိုင်ရေးအလံတော်အဖြစ်ကိုသွားဖို့အတွက် နောင်နှစ်ခါဒီအလံတင်တဲ့အချိန်မှာ အောင်နိုင်ရေးအလံအဖြစ်မြင်ဖို့အတွက် ကျွန်တော်တို့ရဲ့အင်အားစုတွေအားလုံးလိုအပ်တယ်။ လူမျိုးဘာသာအသားရောင်တွေမလိုအပ်ဘူး။ အာဏာရှင်စနစ်ကိုဖြုတ်ချပြီး ဖက်ဒရယ်စနစ်ကိုသွားဖို့အတွက် မြန်မာနိုင်ငံမှာလွှင့်တင်သလို ဒီနိုင်ငံမှာလဲလွှင့်တင်နိုင်မယ်လို့ယုံကြည်ပါတယ်။ ပြည်တွင်းပြည်ပအားလုံးပူးပေါင်းပြီးတော့ဒီအလံတော်ကို အောင်ပွဲဝင်အလံဖြစ်အောင်ကြိုးစားကြမယ်လို့ ကျွန်တော်ပြောကြားလိုပါတယ်"ဟု အမှာစကားပြောကြားခဲ့သည်။ အဆိုပါအခမ်းအနားသို့ နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးမိုးဇော်ဦး၊ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းတို့အပြင် ဘက်ဖလိုမြို့၊ ဒုတိယမြို့တော်ဝန်၊ အမေရိကန်ရောက်ပြည်ပနိုင်ငံဖွားများရုံး(ONA) ၏ ညွှန်ကြားရေးမှူးချုပ်နှင့် သက်ဆိုင်ရာတာဝန်ရှိသူများ၊ ဖိတ်ကြားထားသောဧည့်သည်များ တက်ရောက်ခဲ့ကြသည်။ ဆက်လက်ပြီး စစ်အာဏာရှင်ဆန့်ကျင်ရေး ကြွေးကြော်သံများကြွေးကြော်ကာ ၁၅ကြိမ်မြောက် ခွပ်ဒေါင်းအလံတင်အခမ်းအနားနှင့် ၃၆နှစ်မြောက် ၈၈၈၈အောက်မေ့ဘွယ်အခမ်းအနားကို ရုတ်သိမ်းခဲ့ကြသည်။ #mocit #NUG