ដង្កូវក្នុងសាច់ និងកំណែទម្រង់រដ្ឋបាលថ្នាក់ក្រោមជាតិ скачать в хорошем качестве

ដង្កូវក្នុងសាច់ និងកំណែទម្រង់រដ្ឋបាលថ្នាក់ក្រោមជាតិ

នៅវគ្គមុនយើងបានលើកយកប្រធានបទស្តីពីរដ្ឋាភិបាលកម្ពុជាខ្លួនតូច ក្បាលធំ និងកំណែទម្រង់រដ្ឋបាលសាធារណៈមកភិក្សាគ្នានិងទទួលបានការចាប់អារម្មណ៍ខ្លាំងមែនទែនពីប្រិយមិត្តអ្នកទស្សនា។ ក្នុងនោះយើងបានលើកយកបញ្ហាជាច្រើនពាក់ព័ន្ធរដ្ឋបាលថ្នាក់ជាតិ ជាពិសេសយើងបានពិភាក្សាគ្នាច្រើនការដែលកម្ពុជាមានចំនួនក្រសួងច្រើនមិនសមាមាត្រជាមួយចំនួនប្រជាជន ក្រសួងជាន់មុខងារគ្នា ព្រមទាំងការកាត់បន្ថយក្រសួង និងការច្របាច់ក្រសួងដែលទទួលបន្ទុកស្រដៀងគ្នាបញ្ជូលគ្នាជាដើម។ ក្រៅពីនោះលោកវាគ្មិនក៏បានលើកឡើងពីការកាត់ប្លង់រឹងជូនប្រជាពលរដ្ឋថាអស់រាប់ពាន់ដុល្លារ និងការកៀបសង្កត់របស់អាជ្ញាធរមូលដ្ឋានផងដែរ។ ជាមួយគ្នានោះដែរយើងសង្កេតឃើញថាមានប្រិយមិត្តភាគច្រើនដែលបានទស្សនាវីឌីអូនោះក៏បានបញ្ចេញមតិដូចការលើកឡើងរបស់វាគ្មិនពិតមែន ក៏ប៉ុន្តែក៏មានប្រិយមិត្តខ្លះទៀតក៏បញ្ចេញមតិថាលោកមិនអស់រាប់ពាន់ដុល្លារដូចការលើកឡើងនោះដូចគ្នាដែរ។ លើសពីនេះទៀតមានប្រិយមិត្តជាច្រើនបានលើកឡើងនៅបញ្ហាសេវាសាធារណៈផ្សេងទៀតដែលលោកបានជួបដោយផ្ទាល់តែម្តងនៅថ្នាក់មូលដ្ឋាន។ ដោយមើលឃើញនៅបញ្ហានេះហើយទើប ចក្ខុផតខាស បានលើកយកនៅប្រធានបទក្តៅថ្មីមួយទៀតមកភិក្សាគ្នាក្រោមចំណងជើងថា “អំពើពុករលួយស៊ីរូង និងកំណែទម្រង់រដ្ឋបាលថ្នាក់ក្រោមជាតិ”។ នៅក្នុងវគ្គនេះយើងចុះមកឲ្យកាន់តែកៀកនឹងប្រជាពលរដ្ឋដែលជាអ្នកទទួលសេវាសាធារណៈ ជាម្ចាស់ឆ្នោត ជាម្ចាស់ប្រទេសថាលោកបាននឹងកំពុងបន្តជួបនូវបញ្ហាអ្វីខ្លះនៅមូលដ្ឋាន និងថាលោកត្រូវយល់ និងត្រូវតែដឹងអ្វីខ្លះពីមន្រ្តីបម្រើសេវាទាំងនោះ។ បន្ថែមពីនេះយើងបានជជែកវែកញែកគ្នានៅលើសំណួរសំខាន់ៗដូចជា៖ តើការធ្វើប្លង់រឹងពិតជាអស់រាប់ពាន់ដុល្លារពិតមែនទេ? តើត្រូវធ្វើបែបណាទើបមិនអស់លុយដូចអ្វីដែលប្រជាពលរដ្ឋមួយចំនួនកំពុងជួបប្រទះ? តើហេតុអ្វីកម្ពុជាប្រើប្រព័ន្ធបោះឆ្នោតសមាមាត្រ? ហេតុអ្វីមិនប្រើប្រព័ន្ធឯកត្តនាម? តើប្រើប្រព័ន្ធបោះឆ្នោតមួយណាទើបមន្រ្តីដណ្តើមគ្នាមកបម្រើប្រជាពលរដ្ឋម្ចាស់ឆ្នោត? តើមន្រ្តីមូលដ្ឋានប្រើមធ្យោបាយបែបណាដើម្បីពុករលួយ? តើការចាយលុយមូលនិធិឃុំ សង្កាត់ ឆ្លើយតបទៅនឹងតម្រូវការប្រជាពលរដ្ឋដែរឬទេ? តើមូលនិធិនេះត្រូវបានចាយទៅលើវិស័យអ្វីខ្លះ ត្រូវខ្ទង់ដែរឬទេ? តើហេតុអ្វីប្រជាពលរដ្ឋត្រូវតែតាមដានជាប្រចាំនៅការចាយលុយមូលនិធិឃុំ សង្កាត់នៅមូលដ្ឋានរបស់ខ្លួន? តើធ្វើបែបណាទើបមិនឲ្យមន្រ្តីមូលដ្ឋានមិនអាចជិះសេះលែងដៃបាន? តើហេតុអ្វីយើងត្រូវតែធ្វើខ្លួនជាពលរដ្ឋសកម្ម? និងសំណួរសំខាន់ៗមួយចំនួនទៀតដែលត្រូវបានលើកយកមកភាក្សាគ្នានៅក្នុងវគ្គដ៏ពិសេសមួយនេះ។ ‪@ImagineIfshows‬ ‪@Chakho-podcast‬ ‪@DeepTalk-Show‬ #រាជរដ្ឋាភិបាលខ្លួនតូចក្បាលធំ #khmerpodcast #កំណែទម្រង់រដ្ឋបាលសាធារណៈ