“Azərişıq” ASC Şəki rayonunun daha iki kəndinin elektrik şəbəkəsini yenidən qurub. скачать в хорошем качестве

“Azərişıq” ASC Şəki rayonunun daha iki kəndinin elektrik şəbəkəsini yenidən qurub.

“Azərişıq” ASC ölkənin bütün regionlarında yenidənqurma işlərini davam etdirir. “Azərişıq” ASC Şəki rayonunun daha iki kəndinin elektrik şəbəkəsini yenidən qurub. Prezident İlham Əliyevin müvafiq tapşırıqlarına əsasən, “Azərişıq” ASC tərəfindən həyata keçirilən investisiya layihəsi çərçivəsində Şəkinin Balyanı və Kiş kəndlərinin elektrik şəbəkəsi yenidən qurulub. Yenidənqurma işləri çərçivəsində 70 abonenti olan Balyanı kəndində 2 ədəd komplekt transformator məntəqəsi quraşdırılıb, 8 km-a yaxın 10 kV-luq, 4 km-dan çox 0,4 kV-luq elektrik xətti yenilənib. Elektrik şəbəkəsi yenidən qurulan digər kənd isə Şəkinin qədim Kiş kəndidir. 1477 abonenti olan Kişdə yenidənqurmadan sonra 13 ədəd komplekt transformator məntəqəsi quraşdırılıb. 14 km-a yaxın 10 kV-luq, 37 km-dan çox 0,4 kV-luq elektrik xətti yenilənib. Hər iki kənddə abonentlərin sayğacları dəyişdirilib. Xatırladaq ki, investisiya layihəsi bütün regionlarda 100-dən çox kəndi əhatə edir.