DD News Mizoram Chanchinthar | 23 March 2025 | 6:30 PM скачать в хорошем качестве

DD News Mizoram Chanchinthar | 23 March 2025 | 6:30 PM

News Headlines 1. Larsap General VK Singh chuan nimin khan 5th Battalion, Rajput Regiment te'n an kum 200 dinchampha puala Postal Stamp leh special cover an siam chu New Delhi-ah a tlangzarh. 2. Sports & Youth Services Department chuan kum 2020 atanga 2025 chhungin Mizoram aiawha fehchhuak infiammite che thate tan Incentive Cash award ₹2,20,10,800 a semchhuak tawh. 3. Mizoram State Aids Control Society chhinchiah danin tun dinhmunah Mizoram-ah HIV Postive mi 19,536 an awm mek. 4. Salvation Army India Eastern Territory chhunga Central North Division te chuan vawiin chawhma Thianghlimna Inkhawmah khan Corps Cadet Graduation & Installation service an hmang. 5. Fit India Coaster Event Judo Championship - 2025 chu SAI, Training Hall Mission Vengthlang, Aizawlah March ni 20 - 22, 2025 khan neih a ni. 6. Mizoram chak lakna kawngpui, Bilkhawthlir atanga Kolasib inkar leh Kawnpui atanga Khamrang inkarte chu siam that a nih theih nan NHIDCL-te'n Tender an chhuah mek. 7. Mission Organic Value Chain Development for North East Region (MOVCD-NER) hmalakna hnuaiah nimin thleng khan Hnahthial District-a khawthlan bik pariat zinga pangaah sawhthing chi sem chhuah a ni tawh. 8. Thingtlang lama chenna in nei lote tanpuina tura Sorkar laipuia Ministry of Rural Development-in a ruahman - Pradhan Mantri Awas Yojana (G) hnuaia tanpuina dilte chu Tlabunga Village Council-ten buaipuiin tihfel ngaite an bawhzuisak. 9. Saitual DAMC Chairman, District Bawrhsap ni bawk Dr. Lalngura Tlau kaihhruainain Saitual District-a Secondary Collection Centre (SCC) Supervisor te chuan nimin khan DC Conference Hall, Saitualah training an nei. 10. Tukin khawvar rual vel khan Lawngtlai dai, Siaha kawng lam, Mavula Filling Station piahah Pik Up chesualin, mi pahnih an thi. 11. Prime Minister Narendra Modi chuan Dr Ram Manohar Lohia piancham pualin zahna a hlan. 12. Union Minister for Finance Nirmala Sitharaman chuan Jan Dhan, Tui connection & Gas Scheme chuan India ram pumah hlawkna maktaduai tam tak a ken tel thu a sawi. 13. National Testing Agency (NTA) chuan Common University Entrance Test (CUET-UG) 2025-a inziahluh hun chhung chu March ni 24 thleng a pawtsei. 14. Union Coal and Mines Minister G Kishan Reddy chuan Chennai-a ramri siam chungchanga eptu party-te thutkhawm neih chu thil tullo a nih thu a sawi. 15. Sawrkarlaipui chuan April ni 1 atangin purunsen thawnchhuah atangin chhiah za zela 20 a la tawh dawn. 16. Sports Minister Mansukh Mandaviya kaihhruainain ‘Fit India Sundays on Cycle’ campaign hlawhtling taka neih a ni. 17. India chuan Botswana-a tuilian tuarte tan chhawmdawlna a thawn. Follow DD Mizoram:   / ddnewsmizoram     / ddnews_mizoram     / ddnewsmizoram