19.02.2026 Жаңалықтар топтамасы скачать в хорошем качестве

19.02.2026 Жаңалықтар топтамасы

1. КОАЛИЦИЯ МҮШЕЛЕРІ ТҰРҒЫНДАРМЕН КЕЗДЕСТІ - Өңірімізде жалпыұлттық референдум алдындағы үгіт-насихат жұмысы белсенді жүріп жатыр. Коалиция мүшелері Талғар ауданының тұрғындарымен кездесіп, жаңа конституция жобасының қоғам үшін маңызын түсіндіріп, талқыға салды. 2. ДИРЕКТОРЛАР БІЛІКТІЛІГІ ТЕКСЕРІЛДІ - Алматы облысында біліктілікті тексеру тестіне қатысқан 379 мектеп директорының 15 пайызы ғана шекті деңгейден өткен. Бұл туралы Директорлар кеңесінде мәлім болды. Білім шаңырағы басшылары біліктілігін көтеру үшін қайтпек керек? Тақырыпты кеңірек тілшіміз толықтырады. 3. ӘНГЕ АЙНАЛҒАН ҒҰМЫР- Алматыда белгілі сазгер Кеңес Дүйсекеевтің туғанына 80 жыл толуына орай еске алу кеші өтті. Қазақ музыкасына жаңа әуез беріп, тамаша ән жазған талантты өнер иесі туралы жақындары жылы естеліктерімен бөлісті. Іс-шарада композитордың шығармалары орындалып, шығу тарихы айтылды. 4. ҮН МЕН МҰРА ҮНДЕСТІГІ - Дауысымен әлемді тәнті еткен Димаш Құдайбергеннің жетпістен аса музыкалық аспабы Ықылас атындағы халық музыкалық аспаптар музей қорына табысталды. Аспаптарды әншіге әлемнің түкпір-түкпіріндегі жанкүйерлері ерекше ықыласпен тарту еткен. Ал әншінің бала күнінен серігі болған домбырасы музей төріне ілінді. 5. ЖЕЛКЕНДІ СПОРТ ОРТАЛЫҒЫ ҚАЛА ӘКІМДІГІНІҢ МЕНШІГІНЕ ӨТТІ - Қонаев қаласындағы желкенді спорт оқу-жаттығу орталығы қала әкімдігінің коммуналдық меншігіне өтті. Бұған дейін нысан «Қонаев әлеуметтік кәсіпкерлік корпорацияның теңгерімінде болған. Қапшағай су қоймасының жағалауында орналасқан нысанның жалпы құны 31 миллион теңгеден асады. Мамандардың айтуынша, соңғы уақытта кешен тиісті деңгейде күтім көрмей, қараусыз қалған. Осыған байланысты нысанды қала меншігіне алу туралы шешім қабылданды. Қазіргі таңда орталықты дамыту жолдары қарастырылып жатыр 6. ҚАЗАҚ КҮРЕСІНЕН ЕЛ ЧЕМПИОНАТЫ АЯҚТАЛДЫ - Қарасай ауданында қазақ күресінен жасөспірімдер арасында облыс біріншілігі аяқталды. Өңірдің түкпір-түкпірінен жиналған балуандар ел чемпионатына берілетін 17 жолдаманы сарапқа салды