容姨譚倩紅現身八和會館團拜 馮素波左手忽然腫痛急入院檢查 скачать в хорошем качестве

容姨譚倩紅現身八和會館團拜 馮素波左手忽然腫痛急入院檢查

容姨譚倩紅現身八和會館團拜 馮素波左手忽然腫痛急入院檢查 八和會館初十舉行新春團拜午宴，主席 龍貫天 馮素波 等出席之外，署理行政長官 陳國基 同署理文化體育及旅遊局局長 劉震 等政府官員亦有現身支持。而04年淡出幕前，因為演出《真情》容姨一角為人熟悉嘅譚倩紅亦鮮有現身，去年譚倩紅向好友透露曾因為心臟問題需要裝起博器，依家見年屆93嘅佢精神奕奕，面色紅潤，大家都放心晒。 而過年時波姐身原來身體出現問題，左手無撞傷下忽然出現腫痛，腫大兩個碼變成香腸手指，精靈嘅波姐即時上網查資料，發現可大可小，擔心毒素可能會經淋巴走向心臟，所以急急入院檢查，最後未有查出大問題，醫生處方抗生素就出院回家休息，佢都提醒老友記們唔好忽略身體發出嘅警號，同時因為流感高峰期波姐出入人多地方都會戴口罩。 波姐好返後就出席完演藝人協會春茗，席間佢同甘草藝人陳勉良以及順嫂梁葆貞齊獲頒傑出演藝大獎，令佢喜出望外，波姐更多謝演協主席古天樂給予鼓勵，又公開呼籲後輩搵佢合作同交流演藝心得，波姐仲希望喺自己嘅網上頻道邀請醫生同醫療專家作客分享健康資訊，揚言有生之年繼續工作。 龍貫天亦分享八和會館新一年嘅展望，佢希望推廣粵劇界新秀之外，亦計劃促成粵劇界唔同地域嘅合作，同世界各地嘅八和會館多多聯繫，共融都創造新嘅合作機會。 #八和會館 #新春團拜 #譚倩紅 #容姨 #波姐 #馮素波 #手部無原因腫痛 #心臟病先兆 #身體警號 #傑出演藝大獎 #龍貫天 #推廣粵劇 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0