《港馬攻略》EP303D - 大賽論戰攻略：沙特盃2025 скачать в хорошем качестве

《港馬攻略》EP303D - 大賽論戰攻略：沙特盃2025

好喇嚟到星期六嘅重頭戲喇，就係全球最高獎金嘅賽事沙特盃，呢項總獎金高達二千萬美元嘅一級賽，今屆連我哋馬王「浪漫勇士」都吸引到嚟跑，加埋成堆日本泥地精英嚟挑機，主隊馬會唔會連車尾燈都見唔到...... 「浪漫勇士」有幾勁就唔多講啦，上次中東之旅首站又破紀錄贏，今次嚟到第二站喇，但就首次挑戰泥地，睇血統？有啲根據嘅；試跑？喺香港試泥閘都輕鬆嘅；排3檔？有辣有唔辣嘅。我哋嘅心就梗係想呢匹所向披靡嘅馬王再創歷史啦，但今次又真係多咗唔少疑問，希望佢可以一切順利啦！ 但講到今場跑泥地，日本四箭齊發睇嚟都係志在必得，箭頭就梗係新任泥地王「青春永駐」啦，喺日本佢就無敵㗎喇，至今兩場贏唔到嘅都係喺美國一級賽跑第三，仲要兩場嘅級數都高到爆，上年又喺呢個馬場已經贏過，絕對夠資格成為「浪漫勇士」要跨越嘅高牆啦？ 至於一對「盈寶」系嘅馬「盈寶奇嶽」同「盈寶威神」或者未必贏到「青春永駐」，但對住其他對手可能都綽綽有餘，前者本身係杜拜世界盃冠軍，亦係上屆沙特盃亞軍，捲土重來梗係想報仇，但同主馬「盈寶威神」都唔可以睇少㗎，始終川田將雅最後都揀咗佢，近績穩定之餘上場喺東京大賞典都只係輸比「青春永駐」跑第二，呢對「盈寶」都有機會挑吓機！ 日本隊今場仲有一隻進步緊嘅「飆速引擎」，加埋阿根廷馬王「特別密碼」同埋上場喺麥通挑戰賽分列一、三名嘅「星大道」同「送達駒」，我哋香港馬王「浪漫勇士」有冇機會將呢堆對手一舉擊敗再締造新歷史？即刻去片聽吓兩位主持點睇啦！ ======================================================== Facebook :   / racinghottalk   IG：  / racing.hot.talk   ======================================================== All credit goes to original owners for any videos or photos used in this channel. #港馬攻略RacingHotTalk #香港賽馬 #賽馬 #海外賽馬 #沙特阿拉伯賽馬 #沙特盃 #安都拉茲馬場 #青春永駐 #浪漫勇士 #盈寶威神 #盈寶奇嶽 #飆速引擎 #送達駒 #沙特堅堡 #星大道 #SaudiCup #KingAbdulazizRacecourse #ForeverYoung #RomanticWarrior #WilsonTesoro #UshbaTesoro #Ramjet #FacteurCheval #AlMusmak #WalkOfStars #フォーエバーヤング #ウィルソンテソーロ #ウシュバテソーロ #ラムジェット