සීගිරිය 10. අලිගල සොයා නැගෙනහිර පැත්තේ කැලේ මැදට.. скачать в хорошем качестве

සීගිරිය 10. අලිගල සොයා නැගෙනහිර පැත්තේ කැලේ මැදට..

(1882) සීගිරිය පොතාන හා අලිගල ලෙන (ශ්‍රී ලංකාවේ ප්‍රාග් ඓතිහාසික ලෙන් ) මෙතෙක්‌ කලක්‌ අප සිතා සිටියේ කාශ්‍යප රජ දවසට පෙර සීගිරිය හා අවට ගල් ලෙන් තම වාසය සඳහා යොදා ගෙන භාවනානුයෝගීව වැඩ වාසය කළ භික්‌ෂූන් හෝ රහතන් වහන්සේ යාබද පිදුරංගල වන සෙනසුනට පිටත් කර හැරි කාශ්‍යප රජු සීගිරිය තම රාජධානිය බවට පත් කර ගත් ඉතිහාසයක්‌ ගැනය. ඒ අනුව ක්‍රි. ව. 477-495 අතර වසර 18 කින් තැනුවා යෑයි කියන මේ ප්‍රෙෘඪ ස්‌මාරකය මුගලන් රජ දවස යළිත් භාවනානුයෝගී භික්‌ෂූන්ට පවරා දුන් බව පවතින විශ්වාසයයි. එනමුත් පහතරට වියළි කලාපය ආශ්‍රිතව ප්‍රාග් ඓතිහාසික මානවයන් විසූ බවට සාධක සහිතව ඔප්පු වන්නේත් සීගිරිය ප්‍රදේශයෙන් වීම විශේෂත්වයකි. සීගිරියට යාබද පොතාන කන්ද ප්‍රදේශයේ ගල් ලෙනකින් 'පොතාන' මානවයාගේ යෑයි ප්‍රාග් ඓතිහාසික පුර්ණ මානව සැකිලි දෙකක්‌ ගොඩ ගන්නේ මීට වසර ගණනාවකට පෙරදීය. පොතාන මානවයා යෑයි ප්‍රකට මෙම මානවයාගේ පුර්ණ සැකිලි දෙකින් එකක්‌ තවමත් සීගිරි කෞතුකාගාරයේද ඉතිරිය කොළඹ ජාතික කෞතුකාගාරයේද ප්‍රදර්ශනය කෙරේ. n11 3 සීගිරිය මෙවන් වැදගත් ප්‍රාග් ඓතිහාසික භූමි ප්‍රදේශයක්‌ද වන බැවින් පුරාවිද්‍යාඥයින් විසින් පහුගිය කාලය පුරාවට මෙවැනි ඓතිහාසික හා ප්‍රාග් ඓතිහාසික තොරතුරු අනාවරණය කර ගැනීම පිළිබඳවද නොකඩවා ගවේෂණ සිදු කළහ. තවදුරටත් ඒවා සිදු වෙමින්ද පවතී. එවන් පර්යේෂණවලින් ලද ප්‍රතිඵල අප පෙර කී පරිදි විශ්මිත සොයා ගැනීම් වේ. පොතානේ මෙන්ම සීගිරිය ආශ්‍රිත පහළ පුරාවිද්‍යා රක්‌ෂිතයේ ගල්ලෙන්වල සිදු කරන ලද කැණීම්වලදී ද මේ වනවිට ප්‍රාග් ඓතිහාසික සාධක රැසක්‌ මතු කර ගැනීමට පුරාවිද්‍යාඥයෝ සමත්ව සිටිති. එවන් එක්‌ ස්‌ථානයක්‌ වන්නේ 'අලිගල' ලෙනේ කැණීම්ය. මෙහි කැණීම් සිදු කර ඇත්තේ 1990 - 91 වසරවලදීය. අලිගල ලෙනේ කැණීම්වලින් සොයා ගත් දැ අතර ක්‍ෂුද්‍ර ශිලා මෙවලම්, පැරණි මානවයා ආහාරයට ගත්තේ යෑයි සැක කෙරෙන පහතරට තෙත් කලාපයේ බෙල්ලන්ගේ කවච (අවශේෂ), කැකුණ ඇට හා ධාන්‍ය අවශේෂ යනාදිය වන බව සීගිරිය පුරාවිද්‍යාත්මක කෞතුකාගාරයේ පාලක ගාමිණී කරුණාරත්න මහතා පවසයි. "අලිගල ගල්ලෙන ප්‍රාග් ඓතිහාසික මානවයා විසූ ගල්ලෙනක්‌ වශයෙන් අප දැන් තහවුරු කරගෙන තිබෙනවා. ඊට අදාළ කැණීම් සිදු කළේ 1990-91 වසරවල. එහිදී වැදගත් සාධක රැසක්‌ හඳුනා ගත්තා. මෙම ආදි මානවයා සීගිරියේ හිටියේ ක්‍රිස්‌තු පූර්ව 3300 දී බව හඳුනාගෙන තිබෙනවා. ඒ කියන්නෙ මීට වසර 5500 කට පමණ කලින්. මීට අදාළ විද්‍යාත්මක කාබන් කාල නීර්ණය ස්‌වීඩන් පුරාවිද්‍යා ආයතනය ඔස්‌සේ විදේශයකදී සිදු කර තිබෙනවා. කැණීම් සඳහා කැලණිය විශ්වවිද්‍යාලයේ පුරාවිද්‍යා පශ්චාත් උපාධි ආයතනයත්a, මධ්‍යම සංස්‌කෘතික අරමුදලත්, ස්‌වීඩන් පුරාවිද්‍යා ආයතනයත් සම්බන්ධ වුණා" යෑයි කරුණාරත්න මහතා පැවසීය. මෙම ලිපිය මගින් කියන්නට සූදානම් වන්නේ අලිගල ප්‍රාග් ඓතිහාසික භූමිය ගැන වෙනත් කතාවකි. පොතාන මානවයා විසූ ක්‍රි. පු. 3800 ක්‌ පැරණි ගල්ලෙන් ප්‍රදේශය රජමහා විහාරයක්‌ද පිහිටි තැනක්‌ බැවින් එය දැක බලා ගැනීමට සංචාරකයන්ට හෝ පුරාවිද්‍යාත්මක උනන්දුවක්‌ ඇති අයට මේ දක්‌වා කිසිදු බාධාවක්‌ නැත. එහෙත් ඒහා සමාන වටිනාකම් ඇති එහෙත් පොතාන මානවයාට වඩා වයසින් අඩු ක්‍රි. පු. 3300 දී ජීවත් වූ 'සීගිරියේ මානවයා' විසූ අලිගල ප්‍රදේශයට යැමට මෙතෙක්‌ සීගිරියට යන අයට ඉඩ ප්‍රස්‌ථාවක්‌ ලැබුණේ නැත. මන්ද, එය පුරාවිද්‍යා රක්‌ෂිතයක්‌ නිසාය. අවසානයේදී මීටර් 750 ක පමණ දුරක්‌ ගමන් කර, කඳු නැග, කඳුබැස අතීත සීගිරිය මානවයා විසූ අලිගල ප්‍රදේශයට ළඟා විය හැකිය. එහිදී කැණීම්කරන ලද අලිගල ප්‍රාග් ඓතිහාසික ස්‌ථානය ද දැක බලා ගත හැකිය. මෙම ස්‌ථානය පිහිටියේ සිංහපාද මලුවට නැගෙනහිරින් වන බෑවුමේය. මධ්‍ය ශිලා යුගයට අයත් මෙය සීගිරියේ ඇති පැරැණිම පුරාවිද්‍යා ස්‌මාරකය ද වේ. මේ ලින්ක් එකෙන් ගිහින් බලන්න , මම අලවල මානවයා පිළිබඳව අලවල ගුහාවේ සිදු කල ගවේෂණය.    • ගම්පහ 02. අලවල ගුහාවෙන් වසර 35000ක් අතීතයට...