Bu filmdə Niyaməddin Musayev intim səhnəyə çəkilib - Kölgədə qalan görüntülər... скачать в хорошем качестве

Bu filmdə Niyaməddin Musayev intim səhnəyə çəkilib - Kölgədə qalan görüntülər...

“Gecə qatarında qətl” filmi yazıçı Natiq Rəsulzadənin “İntihar edənin qeydləri” povestinin motivləri əsasında çəkilib. Ekran əsərinin rejissoru Əbdül Mahmudov, bəstəkarı Arif Məlikovdur. Rejissor hesab edir ki, “Gecə qatarında qətl” bütün zamanlarda dedektiv janrında çəkilən ən yaxşı filmlərdəndir. Sadəcə filmin ərsəyə gəlməsi 20 yanvar hadisələrinə təsadüf etdiyindən bir az kölgədə qalıb. Film Bakıda əli silahlı rus əsgərlərinin müşayiətilə çəkilib. Həbsxana səhnələri Dərnəgüldəki 10-cu kalonda çəkilib. Rejissor deyir ki, filmdən sonra 3 nəfər gənci həbsxanadan buraxdırıb: “Gənclərdən biri karateçi idi, respublika çempionu da olmuşdu. Təsadüfən davaya qoşularaq bir nəfərin çənəsini sındırmışdı. Onu buraxdılar. Daha iki cəza müddəti az qalmış şəxslər də xahişimlə azadlığa buraxıldı. Həmin karateçi oğlan yaxınlara qədər də küçədə görəndə həmişə mənimlə xüsusi görüşürdü. Filmdə Rüstəmlə dalaşan oğlan həmin idmançı idi. Həmin səhnə bir dubla çəkilib. Fəxrəddin Manafov onu vuranda həqiqətən də ikinci mərtəbədən aşıb yerə yıxılır. Çox məharətli gənc idi”. Film heyəti cəzaçəkmə müəssisəsinə gedəndə Fəxrəddin Manafov hamıdan xahiş edir ki, onu əvvəlcə içəri məhbus kimi salsınlar. Məhbuslara da desinlər ki, yeni cinayətkardır. O, bununla içəridəki atmosferi hiss etmək istəyir. Belə də olur. Onu içəri ağır cani kimi salırlar. Sonra məhbuslar başa düşür ki, burada film çəkiləcək. Filmdə bir neçə epizodda öpüşmə səhnəsi var. Film sonradan başqa sahələrdə məşhurluq qazanmış bir neçə şəxsin aktyor kimi debüt etdiyi ekran işlərindəndir. Filmdə ilk dəfə rolan şəxslərdən biri müğənni Niyaməddin Musayevdir. Niyaməddin Musayev epizodik olsa da, eyş-işrət yaşanan məclisdə lentə alınıb. Hazırda naşir kimi məşhurluq qazanan Şahbaz Xuduoğlu da filmdə rol alan şəxslərdən olub. O, mafioz Nağıyevin quldur dəstəsinin üzvlərindən birini canlandırırıb. Filmin qəhrəmanı Rüstəmi Özbəkistandakı hava limanında məhz o qarşılayaraq, narkobaronun yanına aparır. Filmdəki rus qızı obrazı əvəzinə erməni qızı olmalı imiş. Azərbaycan-Ermənistan münasibətlərinin pozulmağa başladığı bir zaman olduğundan yuxarıdan erməni qızı məsələsinə icazə verilməyib. Filmin çəkilişi yükunlaşandan sonra lentin 2-3 metrəlik bir hissə itir. Müəllifin sözlərinə görə, həmin hissədə əsas fikir açıqlanırmış. Yəni oğlan niyə Odessaya gedir, niyə Mariyaya görə geri qayıdır , onu niyə öldürdülər və s.” Müəllifin onu da əlavə edir ki, indi tamaşaçıların izlədiyi film orijinal deyil. Orijinal film Moskvadadır, onu geri almaq üçün isə xərc çəkmək lazımdır.