İLQAR ÖMƏROV ÜMUMİ VƏ DAMAR CƏRRAHI, TİBB ÜZRƏ FƏLSƏFƏ DOKTORU. AVTOBİOQRAFİK VİDEO. WIKIMED.AZ скачать в хорошем качестве

İLQAR ÖMƏROV ÜMUMİ VƏ DAMAR CƏRRAHI, TİBB ÜZRƏ FƏLSƏFƏ DOKTORU. AVTOBİOQRAFİK VİDEO. WIKIMED.AZ

İLQAR ÖMƏROV ÜMUMİ CƏRRAH, TİBB ÜZRƏ FƏLSƏFƏ DOKTORU, DİABETİK AYAQÜZRƏ MÜTƏXƏSSİS ÖMƏROV İLQAR OSMAN OĞLU, Tibb üzrə fəlsəfə doktoru, Azərbaycan Tibb Universitetinin Hərbi Cərrahiyyə kafedrası DOKTOR İLQAR ÖMƏROV HAQQINDA: Ömərov İlqar Osman oğlu 30 oktyabr 1963-cü ildə Quba rayonun Ördüc kəndində anadan olmuşdur. 1981-ci ildə Dəvəçi şəhər T. Abbasov adına 1 №-li orta məktəbi əla qiymətlərlə bitirmişdir. 1985-ci ildə İlqar Ömərov Azərbaycan Tibb Universitetinin müalicə-profilaktika fakültəsinə daxil olmuş, 1991-ci ildə həmin fakültəni fərqlənmə diplomu ilə bitirmişdir. Ömərov İlqar təhsil aldığı dövrdə universitetin tələbə elmi cəmiyyətinin fəal üzvü olmüşdur. 1990-cı ildə cərrahiyyə üzrə Ümumittifaq olimpiadasında Azərbaycan Tibb Universitetini təmsil etmişdir. 1991-1992-ci illərdə İlqar Ömərov M.Topçubaşov adına Elmi Tədqiqat Klinik və Eksperimental Cərrahiyyə İnstitutunda cərrahiyyə üzrə internatura kursu keçmiş və cərrah ixtisasi almişdır. 1992-cı ildə Ömərov İ.O. Azərbaycan Respublikasının Milli Ordusu sıralarına hərbi həkim kimi qulluğa çağırılmış və 1995-ci ilə qədər Qarabağ uğrunda gedən döyüşlərdə iştirak etmiş, hərbi-səhra cərrahiyyə hospitallarinda cərrah kimi fəaliyyət göstərmişdir. 1994-cü ildə İlqar Ömərov damar cərrahiyyəsi ixtisası üzrə Hərbi İnternatura kursunu bitirmişdir. Qulluq etdiyi dövrlərdə müxtəlif vəzifələrdə çalışmış və tibb bölüyünün komandiri vəzifəsinə qədər yüksəlmişdir. Qarabağ müharibəsi veteranıdır. Ömərov İ.O. 1995-ci ildən Azərbaycan Tibb Universitetinin Təxirəsalımaz Tibbi Yardımın Təşkili kursunda assistent kimi fəaliyyətə başlamış, 1996-2001-ci illərdə həmin kursun müdiri vəzifəsində çalışmışdır. 2001-2006-cı illərdə Azərbaycan Tibb Universitetinin Elmi-Tədqiqat Mərkəzində tədqiqat işi ilə məşğul olmuşdur. 2006-cı ildən hal-hazıra kimi İlqar Ömərov Azərbaycan Tibb Universitetinin Hərbi Cərrahiyyə kafedrasında çalışır və Silahlı Qüvvələrin Baş Klinik Hospitalında cərrah kimi fəaliyyət göstərir. 2008-ci ildə doktor İlqar Ömərov damar cərrahiyyəsi ixtisası üzrə təkmilləşmə kursunu bitirmişdir. Ömərov İ.O. praktik həkimlik və pedoqoji fəaliyyətlə yanaşı elmi fəaliyyətlə də məşğul olur. O, tibb üzrə fəlsəfə doktorudur. 2010-cu ildə «Peritonitin fazalarından asılı olaraq qaraciyərdə baş verən morfofunksional dəyişikliklər və onların tənzimlənmə yolları» mövzusunda dissertasiya işini müvəffəqiyyətlə müdafiyə etmişdir. Hal-hazırda isə “Diabetik ayağın irinli-nekrotik ağırlaşmalarının müalicəsində cərrahi taktika, rekonstruktiv-bərpa əməliyyatları və kök hüceyrələrinin tətbiqi” mövzusunda doktorluq dissertasiyası üzrə tədqiqat işi aparır. Ömərov İ.O. respublika və xarici ölkələrdə keçirilən bir çox elmi konfrans və simpoziumlarda iştirak etmiş, yeni elmi məqalələrlə çıxiş etmişdir. Bir dərsliyin, 2 metodik vəsaitin, 2 səmərələşdirici təklifin, 35 elmi məqalənin müəllifidir. İşlədiyi dövrlərdə müxtəlif mükafatlar, yubiley medalları, diplom və fəxri fərmanlarla təltif olunmuşdur. Doktor İlqar Ömərov ixtisaslı hərbi həkim olaraq gənc yaşlarında Birinci Qarabağ müharibəsində cəbhə bölgəsində böyük xidmətlər göstərmiş həkimlərimizdən biridir. O həmçinin İkinci Qarabağ müharibəsində Hərbi Hospitalda gecə gündüz çalışaraq cəbhədə yaralanan əsgərlərimizə tibb yardım göstərən qəhrəman həkimlərimizdən biridir. Yaraların sağaldılması və damar cərrahiyyəsi üzrə mütəxəssis olması həmin günlərdə olduqca böyük əhəmiyyət daşıyırdı. Onun yaralılarımız üzərində apardığı çoxsaylı unikal əməliyyatlar nəticəsində xeyli sayda əsgərimiz aşağı və yuxarı ətrafların amputasiyasından xilas olmuşlar. İlqar həkim özü müharibədə fəaliyyətlərini bir vətəndaş borcu hesab edir və dinc günlərdə də vətən müharibəsi iştirakçıları habelə şəhid ailələrininə tibbi yardımda xüsusi həssaslıq nümayiş etdirir. Doktor İlqar Ömərov hazırda ölkəmizdə ən çox diabetik ayaq sindromu ilə məşğul olan mütəxəssis kimi tanınır. Son illər fəaliyyətinin başlıca istiqaməti şəkərli diabet ağırlaşmalarıdır. Xəstələrə peşəkar yardım göstərməklə yanaşı İlqar Ömərov diabetik ayaq mövzusunda vaxtaşırı kütləvi informasiya vasitələrində əhalinin tibbi maaarifləndirilməsində fəal iştirak edir. Təsadüfi deyildir ki, gün ərzində ona müraciət edən xəstələrin böyük əksəriyyəti məhs şəkər xəstəliyinin ağır fəsadlarından biri olan ayaqlarda sinir və damar keçiriciliyinin pozulması nəticəsində yaralardan əziyyət çəkən insanlardır. Ailəlidir, iki övladı var. ƏSAS FƏALİYYƏT İSTİQAMƏTİ: Diabetik ayaq sindromundan əziyyət çəkən xəstələrin müalicəsi və bu sahədə elmi tədqiqatların aparılması DOKTOR İLQAR ÖMƏROVLA ƏLAQƏ TELEFONU: 050-309-49-10, 0503877741