Astarada uşaqlar həsirçilik sənətinin sirlərinə yiyələnir скачать в хорошем качестве

Astarada uşaqlar həsirçilik sənətinin sirlərinə yiyələnir

Astaranın Kakalos kənd Mədəniyyət evində yaradılan dərnəkdə uşaqlar qədim həsirçilik sənətinin sirlərinə yiyələnir. Əməkdaşımız Pərvanə Əliyeva onların bu sənətə olan maraq və həvəsindən, gördüyü işlərdən danışacaq. Ulularımızdan bizə miras qalan sənət nümunələrindən biri də həsirlərdir. Sevindirici haldır ki, bu gün bu sənəti yaşadanlar və bu sənətin sirlərini öyrənənlər var. Jalə, Mədinə, Həmid, Əli, Fərid və Çoşqun kimi. Qamış həsirlər, zənbillər, papaqlar - bunları bu balaca oğlan və qızlar toxuyur. Dərnək üzvü Əli Bayramov: “Rüfət müəllim iki-üç dəfə televiziyada çıxış edəndə gördüm həvəsə gəldim və bura gəldim.” Həsirtoxuyan Rüfət Rzayev: “Mən istəyirəm ki, bu həsir olsun zənbil olsun, papaq olsun yəni unudulmasın deyənə bunu yaşatmaq istəyirəm. Gələcək nəsillərə ötürmək istəyirəm.” 50 ildən çoxdur həsirçiliklə məşğul olan Rüfət Rzayev bu məqsədlə Kakalos kənd Mədəniyyət evində balacaları başına toplayıb onlara qədim sənətin sirlərini öyrədır. Həm də təmənnasız. Həsirtoxuyan Rüfət Rzayev: “Deyirəm ki, siz bunu öyrənin gedin evdə onla məşğul olun. Pis yola getməyin. Misal üçün bir zənbil düzəltdi işlətdi evində anası, atası. Bir papaq düzəltdi atası qoydu başına getdi sahəyə.” Dərnək üzvü Jalə Abbasova: “Birinci başlayanda bir az çətinlik çəkdim. Sonra öyrənə-öyrənə asanlaşdı mənim üçün.” Dərnək üzvü Fərid Məmmədov: “Müəllimin əlinə baxa-baxa. Danışanda mən onun əlinə baxırdım, onda öyrəndim.” Həsirtoxuyan Rüfət Rzayev: “Bir 12 uşağa öyrətmişəm. Onlar əsgərə də gediblər. Hələlik burada 10 uşaq var. Götürmə qabiliyyətləri necədir uşaqların? Bəzi uşaqlar var götürə bilmir, o gəlmir. Bəzi uşaq var tez götürür. Orda bir uşaq var papaq tikir. O, 2 günə onu tikib.” Həsirtoxuyan Fərid Məmmədov: “Papaq toxuyuram. Əvvəl keşi toxuyursan. Sonra isə iynə ilə ipi tikirsən papaq və ya zənbil alınır.” Dərnək üzvü Əli Bayramov: “Mən keşi toxuyuram. Yavaş-yavaş, böyüyə- böyüyə istəyərdim ki, papaq, zənbil, həsir və s. kimi şeylər toxuyum.” Uşaqlarda gördüyümüz bu həvəs və bacarıq bizdə əminlik yaradır ki, qədim ata-baba sənəti olan həsirçilk əsrlər boyu yaşayacaq, gələcək nəsillərə ötürüləcək.