Pu Vungkhamthang Tonsing @ VK Tonsing (83) Sunna Hunzatna скачать в хорошем качестве

Pu Vungkhamthang Tonsing @ VK Tonsing (83) Sunna Hunzatna

Vungkhamthang @ V.K.Tonsing tanchin tomkim 12th July 1940 – 18th October 2023 Pu Vungkhamthang @ V.K.Tonsing 12th July 1940 in Pu T.Thangkhai leh Pi Lalbiakliani te nupa kal a gil a goutan 4na hi ding in Mission compound, Lamka ah a hong piang hi. Naungek pian hoihtak hi in naupang thahat tak leng ahi a, himahleh vangtahhuai takin Missionary Pu Paul Rostad & Pi Ella Rostad te tawh Sattal, United Province (Tua Uttarakhand) a a om laitak un Jan 12 1943 in khosikpi in mankha in sih ding lauhuaikhop in a hong china a, himahleh Sap missionary te, nu leh pa leh mi dang dang te thumna ziakin hon dam khenawn hi. Pu V.K.Tonsing Unau te: 1. Roluahpuii(L) w/o Upa Sawivela(L) 2. Cole Sappaulruali w/o John Deng 3. T. Thanchhung H/o Dimkhoching 4. Suakhnuni (L) 5. T. Thangsei(L) H/o Lalhoulhim @Himi 6. UP Sattal Lalrampari w/o V. Dongzathang (L) 7. Vialzaching(L) w/o Thongkhanpau Teirawl/tangval thahattak leh hriseltak in hong khanglian a, a hihtheihna lam lam ah nam leh gam leh Pathian saptuam a ding in theihtawp suah in ana pangtou den hi. Laisimna lam ah sau a na sim keimahleh Pathian vualzawlna tangin heutu dinmun ah mun tuam tuam ah ana pang kha den hi. A pa satsa Pearsonmun khua ah leng a u T. Thanchhung te inkuan khosakna ziaka pearsonmun a a om louh lai un leng hausa dinmun a na len in bangtan hiam vai a na hawm hi. A chiamteh tak mah mah te lak a khat- tua Pearsonmun EBCC Biakin lamna ah leng a tha leh zung ana seng tam mah mah a, kou a tate ten leng naupang neuchik chik kihi lai mah leh a hahpan dan ka mitkha uah a mangthei nai kei hi. Pearson khosung mi leh sa te a ding in a theina leh hatna teng teng seng in khamtheih leh vantang phallouh thil te sukbeina ding in theihtawp ana suah zel a, hun khenkhat ah mite huat leh muhdah bang leng a tuah loh kha zel hi. A tangval lai Kum(1961 vel) in a pute veh ding in Tahan, Burma ah zin in, gam leh nam vai lai(documents) khat pua ahihmanin Burma sepaih ten muanmohna ziakin ana man ua, Burma jail ah kha bangzah hiam sung ana tang hi. A jail tan lai a athil tuah a gen sek chu- jail tangte lak ah a hatpen ka hih ziak in an/buh tan louh chih ka nei kei a, a hon lau thei mah mah uh a chi hi. Pathian ompihna tawh jail a kipan khahkhiat ahih in Tahan ah sungte bel in bangtanhiam khosa a, huai mun mah ah tua a zi it mah mah Nu Dengliani D/o Pu Haukhawchhana(L), Tahan tawh a na kimu kha in Date 9th July 1962 in ana kiteng ua, tuni dong in Pathian vualzawlna tang in tu leh ta tampi suang in a pa satsa Pearsonmun khua ah teng uh hi. Nek zawnna tumta neisa a inkuan din ahihlouh ziak in a zi neih nung in a U Thanchhungte khazakna nuai ah bang chi chi hiam in a na khosa tou ua, hun hongpai zel in Pathian vualzawlna awl awl a tangtou in mahni a inn leh lou suang thei leh mahni khe a ding thei ding in Nu leh pa, pi leh pute Pathian a na zahna uh vualzawlna gah lou in mahni huntawk a khosa tou thei ding in Toupan pi tou zel hi. Pathian vualzawlna tawh ta nga(5), amau chiat a mahni khe a ding thei ding in Pathian huhna tang hi. Tu leh tusawn tampi mel musak lai hi. A tu/ta te. 1 Chingzahoih w/o T.Thangchinlian 2 T.Khailianthang h/o Liankhum 3 T.Lalkhanhau h/o Lily Lalhlimpuii 4 Haukhenmang h/o Khumzaching 5 Chinghauniang w/o Vungthansang Guite. 6 Tupa 6, Tunu 9 leh Tu sawn Pasal 5, Tusawn numei 6 A Pa T.Thangkhai dungsun in nam leh gam veina lianpi nei in Politics ah saupi a na kibual a, Nam leh gam a dia pan a na lak khakna te laka hihna/dinmun a na let khakna te: • First Manipur South District Autonomous council: 1973-1978 ah member hi ding in Novemeber 1972 in Lanva constituency a pat in telching in a na om hi. • PNC(tua PTC hita) ah CWC Member 1976-1978, • Elected PNC HQ Vice President 1978-1980, • Acting president 1979-1980 • Chairman CEC/CWC 1980-1982 • PNC, CEC member 1982-1984 • PNC, CEC Chairman 1984-1986 • PNC, CEC Member 1986-1988 • PNC, CEC Member 1988-1990 • 6th MLR Act(Amendment) deih louh na ziakin Zomi Democratic Front dinkhiak a om in Pu V.K.Tonsing founder president in ana pang hi. Huan, hiai tungtawn in Manipur State 6th Schedule demand committee dinkhiat in ana om hi. Huchi in “No sixth Schedule No Election” ATSUM slogan tuni tan in pai tou den hi. • Zomi Council Chairman/Secretary • Siamsinpawlpi ah life member • Young Paite Association Patron member (A tanchin a vek a YouTube a tatlouh ziak in a ta zah hong ki koih ahi) Livestram by #tulloutv