Klan News - Shqipëria, destinacioni që po tërheq vëmendjen globale скачать в хорошем качестве

Klan News - Shqipëria, destinacioni që po tërheq vëmendjen globale

Ekspertët ndërkombëtarë të turizmit kanë identifikuar disa destinacione të reja që pritet të dominojnë industrinë globale të udhëtimeve në vitet e ardhshme, kështu shkruhet në një artikull të botuar në revistën çeke të udhëtimit “KIWI.com”. Sipas analizave të fundit, pesë vende po konsiderohen si “perla të pazbuluara” që janë në prag të një transformimi të madh turistik: Shqipëria, Mongolia, Sllovenia, Kirgistani dhe Uzbekistani. Sipas artikullit, e konsideruar gjithnjë e më shpesh si një alternativë më ekonomike ndaj Bregut të Amalfit në Itali, Shqipëria po shndërrohet me shpejtësi në një nga destinacionet turistike më premtuese të Mesdheut. Me brigjet e saj përgjatë detit Jon, fshatrat malore autentike dhe mikpritjen tradicionale, vendi ofron një kombinim unik të natyrës dhe kulturës. Shifrat e fundit tregojnë një rritje të ndjeshme të interesit ndërkombëtar. Në vitin 2025, Shqipëria priti rreth 12,47 milionë vizitorë të huaj, duke shënuar një rritje prej 6,6% krahasuar me vitin 2024. Rritja e fluturimeve direkte dhe planet për ndërtimin e një aeroporti të ri në jug të vendit pritet të rrisin ndjeshëm aksesin e turistëve ndërkombëtarë. Sipas revistës çeke, sektori i turizmit në Shqipëri po vjen në rritje edhe nga investimet private dhe zhvillimet luksoze. Grupet e mëdha hoteliere si Marriott, Melia, Radisson, Hilton dhe Hyatt kanë hyrë në tregun shqiptar, duke reflektuar potencialin e lartë të sektorit. Ndërkohë që në artikull përmendet edhe projekti prej 1,4 miliardë dollarësh në ishullin e Sazanit, i lidhur me investitorin Jared Kushner. Shqipëria mbetet një nga opsionet më ekonomike në Mesdhe, me një shpenzim mesatar ditor prej rreth 427 euro, dukshëm më i ulët krahasuar me fqinjët si Greqia dhe Italia. Ndërkohë që atraksionet kryesore që tërheqin turistët drejt Shqipërisë janë riviera me plazhet spektakolare si Ksamil, Dhërmi dhe Jala. Alpet Shqiptare, të cilat ofrojnë disa nga shtigjet më të bukura të ecjes në Europë, përfshirë itinerarin Theth–Valbonë. Por edhe qytetet që janë në UNESCO, si Berati dhe Gjirokastra, të cilat janë ideale për turizëm kulturor. Një pikë e fortë, sipas artikullit, është edhe gastronomia, pasi kuzhina shqiptare kombinon ndikimet mesdhetare dhe ballkanike, me produkte të freskëta dhe ushqime tradicionale. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan