Do‘stlik tumanida “Islohotlar shtabi” faoliyati samara bermoqda скачать в хорошем качестве

Do‘stlik tumanida “Islohotlar shtabi” faoliyati samara bermoqda

Do‘stlik tumanida aholi farovonligini oshirish, mahallalarni ijtimoiy-iqtisodiy rivojlantirishga qaratilgan ishlar doirasida “Islohotlar shtabi” faoliyati yo‘lga qo‘yilgan. Tumandagi 12 ta mahallada mahalla “yettiligi” a’zolari, tuman hokimligi vakili hamda elektr, gaz, suv, kadastr, sanitariya, veterinariya va favqulodda vaziyatlar xizmati mutaxassislaridan iborat shtablar tashkil etilgan. Tuman hokimi tomonidan belgilangan 19 ta asosiy vazifa ijrosi tizimli ravishda ta’minlanmoqda. Aholi murojaatlari bilan ishlash doimiy nazoratda bo‘lib, kommunal xizmatlar va ijtimoiy masalalarni joyida hal etish bo‘yicha choralar ko‘rilmoqda. Natijada o‘tgan yilning shu davriga nisbatan murojaatlar soni 30 foizga kamaydi. Shuningdek, ishsiz fuqarolarni bandlik bilan ta’minlash borasida ham muayan ishlar amalga oshirilmoqda. Bir oy davomida aniqlangan 1,5 ming nafar ishsiz fuqaroning 400 nafari ish bilan ta’minlandi. Tadbirkorlikni qo‘llab-quvvatlash maqsadida turli dasturlar doirasida 9,2 milliard so‘m imtiyozli kreditlar ajratildi va 300 dan ortiq yangi ish o‘rinlari yaratildi. Bundan tashqari, qishloq xo‘jaligini rivojlantirish, aholi tomorqalaridan samarali foydalanish, pillachilik va issiqxona xo‘jaliklarini kengaytirish, shuningdek “Yashil makon” loyihasi doirasida ko‘chat ekish ishlari ham izchil davom ettirilmoqda.