സി.എം മടവൂരിന്റെ ജനാസ: സത്യം മനസ്സിലാക്കുക-കുട്ടി ഹസൻ ദാരിമി скачать в хорошем качестве

സി.എം മടവൂരിന്റെ ജനാസ: സത്യം മനസ്സിലാക്കുക-കുട്ടി ഹസൻ ദാരിമി

മടവൂര്‍ സി.എം മുഹമ്മദ് അബൂബക്കര്‍ മുസ്‌ലിയാര്‍ പണ്ഡിതന്‍, മുദരിസ്, സൂഫി, ആത്മജ്ഞാനി. 1928/1348-ല്‍ കോഴിക്കോട് ജില്ലയിലെ മടവൂരിലെ കളപ്പിലാവില്‍ തറവാട്ടില്‍ കുഞ്ഞിമാഹീന്‍കോയ മുസ്‌ലിയാരുടെയും ആഇശയുടെയും മകനായി ജനിച്ചു. സി.എം എന്നത് ചിറ്റടിമീത്തല്‍ എന്ന തറവാട്ടു പേരിന്റെ ചുരുക്ക രൂപമാണ്. കുടുംബം പിന്നീട് ഇവിടേക്ക് താമസംമാറുകയായിരുന്നു. പിതാവില്‍ നിന്നു തന്നെയാണ് പഠനം ആരംഭിച്ചത്. വെളുത്തേടത്ത് പറമ്പിലെ പ്രൈമറി സ്‌കൂളിലും മടവൂര്‍ യു.പി സ്‌കൂളിലും പഠിച്ചു. പിതാവിന്റെ വിയോഗ ശേഷം മടവൂര്‍ ദര്‍സില്‍ മോങ്ങം അവറാന്‍ മുസ്‌ലിയാര്‍, മലയമ്മ അബൂബക്കര്‍ മുസ്‌ലിയാര്‍ എന്നിവര്‍ക്കു കീഴില്‍ പഠനം തുടര്‍ന്നു. ശേഷം ഇമ്പിച്ചാലി മുസ്‌ലിയാര്‍, ശംസുല്‍ ഉലമാ ഇ.കെ അബൂബക്കര്‍ മുസ്‌ലിയാര്‍ എന്നിവരുടെ ശിഷ്യത്വം സ്വീകരിച്ചു. കൊയിലാണ്ടിയില്‍ കുഞ്ഞിമുഹമ്മദ് മുസ്‌ലിയാരുടെ കീഴില്‍ ദര്‍സ് പഠനം പൂര്‍ത്തീകരിച്ചു. 1957-ല്‍ വെല്ലൂര്‍ ബാഖിയാത്തില്‍ ചേര്‍ന്നു. ശൈഖ് ആദം ഹസ്‌റത്ത്, ശൈഖ് ഹസന്‍ ഹസ്‌റത്ത് തുടങ്ങിയവര്‍ ഗുരുനാഥന്‍മാരായിരുന്നു. 1960-ല്‍ ബാഖവി ബിരുദം നേടി. പഠനാനന്തരം മടവൂരില്‍ ദര്‍സും ഖാദി സ്ഥാനവും ഏറ്റെടുത്തു. നൂറില്‍പരം വിദ്യാര്‍ത്ഥികള്‍ക്ക് അധ്യാപനം നടത്തിയിരുന്നു. 1962-ല്‍ വിശുദ്ധ ഹജ്ജ് കര്‍മ്മം നിര്‍വ്വഹിക്കുകയും തിരിച്ചുവന്ന ശേഷം ദര്‍സ് പുനരാരംഭിക്കുകയും ചെയ്തു. പിന്നീട് ആരാധനയിലും ഏകാന്തതയിലും കൂടുതല്‍ താല്‍പര്യം കാണിച്ചു. വൈകാതെ അധ്യാപന മേഖലയില്‍ നിന്നും പിന്‍വാങ്ങി ആദ്ധ്യാത്മിക മേഖലയില്‍ മാത്രം ശ്രദ്ധ കേന്ദ്രീകരിച്ചു. കണ്ണൂരിലെ ശൈഖ് സയ്യിദ് ഹാമിദ് കോയ തങ്ങളില്‍ നിന്നും ഖാദിരിയ്യാ ത്വരീഖത്ത് സ്വീകരിച്ചു. ആലുവ അബൂബക്കര്‍ മുസ്‌ലിയാരുമായും ബന്ധം സ്ഥാപിച്ചിരുന്നു. ഭട്കല്‍ സ്വദേശിയും നഖ്ശബന്ദി ത്വരീഖത്തിന്റെ ഗുരുവുമായ ശൈഖ് മുഹ്‌യിദ്ദീന്‍ സാഹിബാണ് ആത്മജ്ഞാനികളുടെ ലോകത്തേക്ക് അബൂബക്കര്‍ മുസ്‌ലിയാര്‍ക്ക് വഴികാട്ടിയത്. കോഴിക്കോട് വെച്ച് നിരന്തരമായ ആരാധനാമുറകളില്‍ ജീവിതം കഴിച്ചുകൂട്ടിയ ശേഷം വിവിധ ദേശങ്ങളില്‍ സഞ്ചരിച്ചു. കോഴിക്കോട് തിരിച്ചെത്തിയ മഹാനെ സന്ദര്‍ശിക്കാന്‍ ദിവസവും നൂറുക്കണക്കിനാളുകള്‍ എത്തിച്ചേര്‍ന്നു. പല അത്ഭുത സംഭവങ്ങളും അദ്ദേഹത്തില്‍ നിന്നും പ്രകടമായി. ഇടിയങ്ങരക്കടുത്തുള്ള മമ്മുട്ടി മൂപ്പന്റെ വസതിയിലായിരുന്നു ദീര്‍ഘകാലം താമസിച്ചിരുന്നത്. 1991 എപ്രില്‍ 19/ 1411 ശവ്വാല്‍ 4-ന് കോഴിക്കോട് വെച്ചായിരുന്നു വിയോഗം. മടവൂര്‍ ജുമുഅത്ത് പള്ളിയോടു ചേര്‍ന്നുള്ള മഖാമില്‍ അന്ത്യവിശ്രമംകൊള്ളുന്നു.   / 281903070269783