127 Melayê Cizîrî ''Muhbetê mihnet di zorin'' @Idrîs Dawê скачать в хорошем качестве

127 Melayê Cizîrî ''Muhbetê mihnet di zorin'' @Idrîs Dawê

‎''Muhbetê mihnet di zorin'' ‎ Helbesta Melayê Cizîrî Amadekirna Mûzîk û Stranê Idrîs Dawê موحبەتێ محنەت د زۆرن، حوب دبێم بێ شەک بەلایە عومر و ژی خوەش پێ دبۆرن، سۆتن و دەرد و جەفایە سۆتن و دەردێ ئەڤینێ، عللەتێ داغ و برینێ خوەش دبن ما ئەو ب دینێ؟ شەربەتا لێڤان مفایە!‏ هەر دلێ سوهتی ب ئولفێ، یار نە دەرمان کت ب زولفێ تا ئەبەد ئەو بەندێ قولفێ، عشق دەردەک بێ دەوایە عشق دەردەک بێ تەبیبە، لێ موفا وەسلا حەبیبە کوشتمە جەورا ڕەقیبە، پوڕ لەعینێ ڕووسیایە ڕوهنییا وێ شەوق و تاڤێ، شەربەتا قەند و گولاڤێ کەس نەهن مەحرووم ژ ناڤێ، لێ تنێ بۆ من غەلایە بێ نەسیب من دی ژ جامێ، دوور دوور مەحرووم ژ ڕامێ گرتییێ وێ قەید و دامێ، ئەڤ غەریبێ جان‎ ‎فیدایە دوورەدەستم بێ نەسیبم، دلبەرم خانم حەبیبم پوڕ ژ دینا تەی غەریبم، رووح و راحەت من لقایە دەم ب دەم ئەو چەهڤەنێرە، بێتە نیشانەک مە ژێڕە دا ببت ئەو زندە ڤێڕە، یارێ سادق بێ بوهایە عاشقێن سادق د کێمن، یار دبێ: سەد جان فدێ من زانم ئەو ناژیتە بێ من، عاشق و پوڕ موبتەلایە عالمین ئەم ڤێ دزانین، جسمە ئەو، ئەم ڕووح و جانین قەت ژ هەڤ باتن خویانین، گەر چ زاهر ئەو جودایە موحبەتا سووری دو قسمە، قوفل و مفتاح و تلسمە هن ژ ڕووحن هن ژ جسمە، نار و نوورە هن هەوایە حوببێ جسمانی دو ڕۆژن، گەر چ دل پوڕ پێ دسۆژن خەف جەگەر پەیکان د نۆژن، مسلێ نەقشێ بێ بەقایە گول حەتا سوهرن ب تێ ڤە، بێن تەبەسسوم پێڤە پێڤە بولبولێ سەرخوەش د نێڤە، نەغمە و نال و نەوایە هەر چ جلوا بوو ژ ناڤێ، نوو گولەک دی گرت خوناڤێ وی ژ دل چوو موحبەتا ڤێ، ئەو ب یا دی ڕا تەبایە هەر کەسێ موحبەت ژ ڕووحە، موبتەلای نوورا سوبووحە وی د دل دا سەد جورووحە، جەزبە و لەرزین و تایە بوغچەیا سۆرگول د گەش تێ، چیچەک و رەیحانێ ڕەش تێ دلبەرێ سەیران و گەشت تێ، سونبولان تا تا سەمایە چووم زیارەت پێ و دەستی، لێ نەهشت ئەووەل ب قەستی دا بسۆژت ڕووح و هەستی، عاشقان سۆتن جەزایە شەربەتا وەسلا خوە نادەت، یار هەنن عاشق جەزا دەت دلبەران ئەڤ ڕەنگە عادەت، مەهڕووان کەمتر وەفایە پیشە مەحبووب غەنج و نازە، وەسفەتێ عاشق نیازە یار ل بەر زازان ئجازە، شەربەتا شیرین مفایە چووم تەوافا پێ و دەستان، شوبهەتی سەکران و مەستان ئەهلێ حال و خووب پەرەستان، وان ژ عومر ئەڤ موددەعایە تللییێن نازک شەمالین، من ل سەر چەهڤێن خوە مالین تالبێ وەردێن ب خالین، دل د ڤێ فکرێ تەبایە چەندەکی سادق جەما بن، ئەر ببێژی جانفدا بن وەک مەلێ لازم تو نابن، وی ژ دل جانێ خوە دایە