Оспан Исламұлы (Оспан Батыр). "ҚАЙҚАЯ ШАПҚАН ҚАРАГЕР" атты театрландырылған музыкалық қойылым. скачать в хорошем качестве

Оспан Исламұлы (Оспан Батыр). "ҚАЙҚАЯ ШАПҚАН ҚАРАГЕР" атты театрландырылған музыкалық қойылым.

1940-1951 жылдардағы Шығыс Түркістан ұлт-азаттық қозғалысының көсемі, қазақ халқының батыр ұлы Оспан Исламұлының рухына арналады. Бұл шығарма ХХ ғасырдың 40 жылдарындағы Қытайдағы ұлт-азаттық қозғалыстың табанды күрескері Оспан Батыр Исламұлының туғанына 120 жыл толуына орай Қазақстан Республикасының астанасында өткен «Қайқая шапқан қарагер» атты театрландырылған музыкалық қойылымның видео нұсқасы. Оспан Батыр қазақ ұлт-азаттық қозғалысының тарихындағы қолына қару алып жаумен бетпе-бет күрескен, өмірін туған халқының азаттығы үшін арнаған және сол жолда құрбан болған бірегей тұлға. Даңқты бабамыздың күрескерлігі мен өршіл рухы келешек ұрпақты мәңгі желеп-жебеп, жігерін жани бермек. Аталмыш қойылым, Оспан батыр мен оның айналасындағылардың кешірмелері мен сол дәуірге қатысты ән-күй және өлең-жырлар арқылы ХХ ғасырдың 30 - 40-жылдарындағы Қытай қазақтарының басынан кешкен алмағайып оқиғаларды, халықтың өксігі мен өкінішін, махаббаты мен ғадауатын, ел мен жерге деген сағынышын, арманмұратын ашып беруге, сол арқылы бүтін бір дәуірдің көрінісін барынша жанжақтылы және жинақы етіп көрсетуге арналған. Сценарий авторы: Тұрсынхан Зәкен Қоюшы режиссер: Болат Ұзақов Оспан батыр рөлінде: Қуандық Қыстықбай Зуқа батыр рөлінде: Мейрам Қайсанов Ақыт қажы рөлінде: Нұрай Танабай Сұлубай батыр рөлінде: Ержан Нұрымбет Бас ұйымдастырушы: Нұр-Сұлтан қаласы әкімдігінің мемлекеттік академиялық филармониясының «Сарыарқа» фольклорлық ансамблі, жетекшісі Тоғжан Жахин. Демеушілері: «ЕР-ЖӘНІБЕК» халықаралық қоры және «БАҚКЕЛДІ 2012 JSHS» қазақ емханасы.