అమరావతిలో నాన్ గెజిటెడ్ అధికారుల టవర్లు| నిర్మాణంలో వేగం, నాణ్యతలో నిబద్ధత| скачать в хорошем качестве

అమరావతిలో నాన్ గెజిటెడ్ అధికారుల టవర్లు| నిర్మాణంలో వేగం, నాణ్యతలో నిబద్ధత|

ప్రజారాజధాని అమరావతిలో నాన్ గెజిటెడ్ అధికారుల(NGO) నివాస గృహాలకై నిర్మిస్తున్న టవర్ల పనులు వేగంగా జరుగుతున్నాయి. అమరావతి గవర్నమెంట్ కాంప్లెక్స్‌లో భాగంగా నిర్మిస్తున్న ఈ రెసిడెన్షియల్ ప్రాజెక్టులో 1,968 మంది నాన్ గెజిటెడ్ అధికారులు నివాసం ఉండేలా APCRDA ఆధ్వర్యంలో 21 టవర్లను నిర్మిస్తున్నారు. ఈ నిర్మాణ ప్రాజెక్టు చేపట్టిన L&T నిర్మాణ సంస్థ..APCRDA అందించిన విస్తృత సహకారంతో ఇటీవల 2 మిలియన్ల సురక్షిత పనిగంటలను నమోదు చేసింది. అంటే ఈ ప్రాజెక్టులో పనిచేసే కార్మికులకు ఎలాంటి ప్రమాదం జరగకుండా జాగ్రత్తలు తీసుకోవడం ద్వారా 20 లక్షల సురక్షితమైన పనిగంటలు నమోదయ్యాయి. పని చేసే ప్రదేశాలలో కార్మికులు అనుసరించాల్సిన ఆరోగ్య భద్రతా(OHS) ప్రమాణాలను NGO టవర్ల ప్రాజెక్టులో నూరు శాతం అమలవ్వడంలో APCRDA పర్యావరణ సామాజిక నిర్వహణ(ESM)విభాగం కీలకంగా పనిచేసింది. రాష్ట్ర ప్రభుత్వం నిర్దేశించిన లక్ష్యాలకు అనుగుణంగా పురపాలక & పట్టణాభివృద్ధి శాఖ మంత్రివర్యులు డా.పొంగూరు నారాయణ గారి మార్గదర్శకత్వంలో ఆధునిక సాంకేతికతను వినియోగించడం ద్వారా ఈ ప్రాజక్టు పనులు వేగంగా జరుగుతున్నాయని ఇంజినీరింగ్ అధికారులు తెలియజేశారు. APCRDA కమిషనర్ కె.కన్నబాబు ఐ.ఏ.ఎస్. గారు పనులు జరుగుతున్న తీరును ఎప్పటికప్పుడు సమీక్షించి ప్రాజెక్టు పురోగతికి విలువైన సూచనలు, సలహాలు ఇస్తున్నారని పేర్కొన్నారు. నాణ్యతలో రాజీ లేకుండా అధికారుల నివాసగృహాలు నిర్మించి నిర్దేశించిన గడువులోపు అందజేస్తామన్నారు. #APCRDA #Amaravati #CapitalInfrastructure #AmaravatiGovernmentComplex #NGOTowers #AndhraPradesh