«Ձեր փաստաբանը». Ժառանգության իրավունք․ կտակի իրավական կարգավորումները. 15.01. 2025 скачать в хорошем качестве

«Ձեր փաստաբանը». Ժառանգության իրավունք․ կտակի իրավական կարգավորումները. 15.01. 2025

Դատական դեպարտամենտի նախորդ տարվա առաջին կիսամյակի վիճակագրության համաձայն, ժառանգության հետ կապված ամենաշատ քննված վեճերի մեջ, inter alia, կտակն անվավեր ճանաչելու վերաբերյալ վեճերն են։ Ո՞վ կարող է կտակ անել։ Օրենքով սահմանված կարգով կարող են լինել նաև ըստ օրենքի ժառանգներ։ Կարո՞ղ է անձը կտակի միջոցով զրկել ըստ օրենքի ժառանգներին ժառանգությունից։ Կտակի ազատությունը սահմանափակվում է միայն ժառանգության պարտադիր բաժնի կանոններով: Ո՞րն է ժառանգության պարտադիր բաժնի իրավունքը և ո՞վքեր ունեն ժառանգության բացման ժամանակ պարտադիր բաժնի իրավունք։ Կտակարարն ի՞նչ իրավունքների շրջանակ ունի և ի՞նչ չի կարող անել, օրինակ՝ իր կողմից նշանակված ժառանգների վրա կտակով պարտականություն դնել չի կարող չէ կտակված գույքի տնօրինման հետ կապված։ Իսկ կտակարարը իրավունք ո՞ւնի վարքագծային կանոններ սահմանել ժառանգի համար։ Ո՞վ է ենթաժառանգը և ե՞րբ է նշանակվում վերջինս։ Անդրադառնանք նաև կտակի առարկային։ Արդյո՞ք ցանկացած գույք կարող է լինել կտակի առարկա։ Իսկ չկտակված մասը գույքի ո՞ւմ միջև է բաշխվում՝ ըստ օրենքի ժառանգների՞։ Կտակարարն իրավունք ունի ըստ օրենքի ժառանգներին զրկել ժառանգությունից։ Իսկ եթե զրկել է այնպիսի ժառանգի, ով ունի պարտադիր բաժնի իրավունք, դա կարո՞ղ է կտակն անվավեր ճանաչելու հիմք հանդիսանալ։ Կտակարարը իրավունք ունի կտակը վերացնել, փոփոխել կամ լրացնել։ Կտակի փոփոխությունների, վերացման կամ լրացման հետ կապված ո՞ր կտակն է վավեր համարվում։ Ո՞ր դեպքերում կարող է կտակը ստորագրվել այլ անձի կողմից, քան կտակարարն է։ Անդրադառնանք կտակի նոտարական վավերացման հետ կապված հարցերին։ Նոտարի վավերացրած կտակը պետք է գրած լինի կտակարարը կամ կտակարարի բառերով գրի առնի նոտարը: Կտակի նոտարական վավերացման ինչպիսի՞ կարգ է գործում։ Կտակարարի ցանկությամբ նոտարը կտակը վավերացնում է առանց դրա բովանդակության հետ ծանոթանալու։ Վերջինս կոչվում է փակ կտակ։ Փակ կտակ կազմելիս, ի՞նչ պետք է իմանա կտակարարը։ Հայտնի է, որ կտակը գաղտնի է, բայց եթե նոտարը, կտակը վավերացնող այլ անձը, վկաները, ինչպես նաև կտակարարի փոխարեն կտակը ստորագրած քաղաքացին հրապարակում են կտակի բովանդակությունը, ի՞նչ պատասխանատվություն կարող է վրա հասնել վերջիններիս համար։ Կտակը կարող է դատարանով անվավեր ճանաչվել այն անձի հայցով, ում իրավունքները կամ շահերը խախտվել են այդ կտակով: Կտակը չի կարող վիճարկվել մինչև ժառանգությունը բացվելը: Ո՞ր դեպքերում է անվավեր ճանաչվում կտակը։ Ի՞նչ է կտակային հանձնարարությունը։ «Ձեր փաստաբանը» հաղորդման հյուրը «Նուրիջանյան» փաստաբանական գրասենյակի հիմնադիր, փաստաբան Աշոտ Նուրիջանյանն է։