Suspek, nagsalita na sa pagpatay sa policewoman at anak nito скачать в хорошем качестве

Suspek, nagsalita na sa pagpatay sa policewoman at anak nito

Nagsalita na ang isa sa tatlong suspek kung paano umano pinatay ang policewoman na si Senior M/Sgt. Diane Marie Mollenido at ang anak nitong si John Ysmael. Aniya, isang nagngangalang Pia at asawa nito ang kumitil sa mag-ina. “At pagbukas ko po ng pinto, dun ko na nakita na ‘yun na nga po, binaril na nga po nung asawa ni Pia. Hindi ko kilala ‘yung babae na nasa loob. After nun tinanong ko siya anong nangyari, after nun nagkagulo na sa loob. Sinabihan ako ng asawa ni Pia na, ‘Huwag kang magsasalita. Ikaw ang isusunod ko.’ Sabi niya sa aking ganun,” saad niya nitong Linggo, February 1, 2026. “‘Yung bata, buhat buhat na nung kasama nilagay sa bodega. Wala ng buhay,” dagdag niya. Ayon sa awtoridad, huling nakita ang mag-ina noong January 16, 2026 para umano kitain ang ahente na inaanak ng policewoman, para ibenta ang kanilang sasakyan. Inireport ang mag-ina na missing ng kanilang mga kaanak matapos itong hindi umuwi. Natagpuan ang nabubulok na labi ni Mollenido sa isang creek sa Pulilan, Bulacan. Habang ang katawan naman ng anak niya ay nakita sa isang farm sa Victoria, Tarlac.