“Yosh boʻlib qolsam, juda koʻp kitob oʻqirdim” — Odinaxon Muhammad Sodiq | Gazeta.uz скачать в хорошем качестве

“Yosh boʻlib qolsam, juda koʻp kitob oʻqirdim” — Odinaxon Muhammad Sodiq | Gazeta.uz

“Gazeta.uz” asosan yoshlarga tavsiya berish uchun moʻljallangan “Sening yoshliging menda boʻlsaydi...” nomli yangi loyiha boshladi. Unda loyiha mehmonlari — el-yurt orasida hurmat-eʼtiborga sazovor kishilar oʻz yoshligini eslab, hozirgi zamon nuqtayi nazaridan yoshlarga tavsiyalar beradi. Loyihaning ilk mehmoni — olima, Islom shariati va hadis ilmi mutaxassisi Odinaxon Muhammad Sodiq. Odinaxon Muhammad Sodiq qizi Muhammad Yusuf, 1980-yil Toshkent shahrida tugʻilgan. Avval Liviyadagi Xalqaro islomiy daʼvat universiteti, Islomga daʼvat fakultetida bakalavr, soʻngra Turkiyadagi Xalqaro islomiy daʼvat universiteti Imom Molik xalqaro fanlar akademiyasining “Islom shariati va hadis ilmi” magistri darajasini olgan. U 2007-yildan “Xadichai Kubro” ayol-qizlar oʻrta-maxsus islom taʼlim muassasasida mudarris, 2010-yildan “Hilol-nashr” nashriyoti direktor muovini, 2012-yildan boshlab esa “Islom.uz” portali qoshidagi “Muslimaat.uz” sayti rahbari sifatida faoliyat olib bormoqda. Xalqaro musulmon ulamolar ittifoqi aʼzosi, “Yevroosiyo ayollar gumanitar akademiyasi” oliy taʼlim tashkiloti maslahatchisi. Olima “Mufassal tajvid”, “Keling, Qurʼon yodlaymiz”, “Qizlarjon”, “Goʻzal oʻrnak”, “Bilimsizlikning shifosi – savol”, “Ey farzand”, “Tuhfatul-atfol”, “Nurul-uyuun”, “Kifoyatul-gʻulom” kabi asarlar muallifi. Bir nechta kitoblarda, jumladan, “Oltin silsila” turkumida tarjimon bo'lgan. Odinaxon Muhammad Sodiq boshchiligida jamiyatda xotin-qizlar faolligini oshirish, ularning ilm-fan sohasida bilim olishlariga koʻmaklashish va kitobxonlikni targʻib qilish maqsadida “Peshqadam maktabi” oʻquv markazi, shu nomdagi loyiha, “Kitobqand” kutubxonasi tashkil etilgan, “Omina” jurnali qogʻozli bosma koʻrinishida chop etila boshlagan. Video: Ma’murjon Obrahmatov, Shahzod Habibullayev / “Gazeta.uz” Telegram – https://t.me/gazetauz_ozb Facebook –   / gazetauz   Instagram –   / gazetauzbekistan   Twitter –   / gazeta_uz