የአእምሮ አቋም скачать в хорошем качестве

የአእምሮ አቋም

amazon https://amzn.to/3VQiUcr አስተሳሰባችንን በ መቀየር እንዴት ሕይወታችንን ወደ ተሻለ ደረጃ መቀየር እንደምንችል የምናይበትን ማይንድ ሴት የተባለ መጸሐፍ ይዘን መጥተናል። መልካም ቆይታ ። ይሄ ማይንድ ሴት የተባለው መጸሐፍ እንዴት አንድ ችክ ያለ እና እድገት ያለው የአእምሮ አቋም መያዝ እንደሚቻል እና አንዱ አቋም እንዴት ከሌላው አቋም የበለጠ ለውጥ ፣ስኬት እንደሚያሳይ የሚገልጽ እና እኛም እንዴት ይኽንን መንገድ መከተል እንደምንችል ይገልፅልናል። በቃት ወይም ታለንት በዘረመል ውስጥ የሚተላለፍ ሳይሆን በአእምሮ ውስጥ በሚያድግ የአቋም እና አመለካከት የተነሳ ነው። አስቲ እጃችሁን እዩት እስቲ ከድሮ ጀምሮ እንዲሁ ናቸው፣ማለት ያው ከመነሻው ያው አንድ አይነት እጅ ነበሩ። ይኽ የሚያሳየው እንደ ቁመት፣ አይን፣ አፍንጫ፣ እና ፣የአይን ቀለማችን ላይ ምንም ብንዳክር የምንለውጠው እንደሌለ ሲሆን ከዚህ በተቃራኒ ያለን ክህሎት ፣ችሎታ፣ስራ፣ ላይ ደግሞ በፈለግነው እና በጣርነው ደረጃ ማሳደግ እንደምንችል ነው። ኬሮል ይኽንን ሀሳብ በጥናት ጭምር ካረጋገጡ ባለሙያዎች ውስጥ አንዷ ስትሆን ፣በዚኽ መጸሐፍዋ ውስጥ ደግሞ ቋሚ እና አዳጊ የአእምሮ አቋም በሚል የጥናትዋን ግኘት አካተዋለች። ቋሚ የአእምሮ አቋም ያላቸው ሰዎች ክህሎት ሁሉም ነገር ነው ብለው ያምናሉ። እናም አንድን ነገር ማድረግ ካልቻሉ፣ በቃ ለኔ አልተሰጠም፣ አልታደልኩም ብለው እራሳቸውን ይኮንናሉ። ልክ ሲፈጠሩ ከዘረ መልአቸው ጋር አብሮ እንደመልካቸው ክህሎታቸው የተሰጣቸው የሚመስላቸው አሉ። ለዚህም ይመስላል አንድ ነገር ጀምረው ምንም ማሻሻል የማይችሉት በሌላ መልኩ አዳጊ የሆነ የአእምሮ አቋም ያላቸው ሰዎች ደግሞ የሚሞክሩት ሁሉ ጊዜአቸውን ሰጥተው ፣ጠንክረው ከሰሩ የሚሳካላቸው እና በብቃት የሚወጡት እንደሆነ ያምናሉ። የአእምሮ አቋማችን ስራችን ላይ ከፍተኛ ተፅእኖ ስላለው እነኚህን ቋሚ የአእምሮ አቋም እና አዳጊ የአእምሮ አቋም የሚባሉትን አካሄዶች በቅርበት ማየት ይጠቅማል። ክኽሎት ያለው ሰው ጠንክሮ መስራት ሲያቅተው ጠንክሮ የሚሰራ ሰው ክኽሎትን ብቻ ያለውን ያሸንፋል። ቋሚ የሆነ የአእምሮ አቋም ያላቸው ሰዎች ክህሎትን አጋነው ሲያነግሱ ይታያል። ሁሌም ባለክኽሎት ሆነው መታየት ይፈልጋሉ። ለዚኽም ይመስላል ማኬንዚን የመሳሰሉ ታላላቅ ድርጅቶች ክህሎት ያላቸውን ሰዎች በመቅጠር መቶ በመቶ በብቃት ስራውን ሁሉ በፍጥነት እንዲሰሩላቸው የሚጠይቁት ። ስራ ላይ ስልጠና ከመስጠት ይልቅ ክኽሎት ያላቸው ናቸው በማለት ቀጥታ ወደ ስራ መደብ በማስገባት ከሰራተኞቹ ትንሽ ስህተት በመፈለግ ወደ ውንጀላ በመግባት ከስራ ማፈናቀል ድረስ የሚደርሱት ። በዚህ ተግባራቸው ቀጣሪዎች ሰራተኞችን ማጣት ብቻ ሳይሆን ፣በማህበረሰቡ ውስጥም ቋሚ የሆነ የአእምሮ አቋም በማሰረፅ አሉታዊ ተጽእኖ ያመጣሉ። ስለዚህ ተቀጣሪዎች ጥሩ ነኝ አይደለሁም በሚል እምቧ አምቧ ጓሮ ውስጥ በመግባት በቀጣሪዎች ዘንድ ተቀባይነት ለማግኘት ከምርታማነት እና ከውጤታማነት ይልቅ ያልተፈለገ ነገር ውስጥ ይገባሉ። ቀጣሪዎችም በዚህ ነገር አይነኬነት ይሰማቸዋል ። እስቲ አዳጊ የአእምሮ አቋም ያላቸው ጋር እንምጣ። ለልጆች ጠጠር ያለ የሒሳብ እንቆቅልሽ ብትሰጡዋቸው ፤እንቆቅልሹን በመስራት ሌላ ጥያቄ እንድትሰጡዋቸው ይጠብቃሉ። ተጨማሪ እንቆቅልሾችን ለመስራት የሚያሳዩት ፍላጎት የበለጠ ነጥብ ለማግኘት ሳይሆን በመጀመርያ ከፈቱት እንቆቅልሽ በመነሳት ፣የበለጠ እርካታ ለማግኘት ከሚለው ስሜት ነው። ሁሌም አጅግ ጥሩ ከሚባለው ስራ የበለጠ ለመማር እድሉን ይጠቀማሉ። በዚኽም አዳዲስ ነገሮችን በመሞከር የበለጠ ውጤታማ በመሆን አንድን ስራ በተደጋጋሚ መለማመድ እንዴት ወደ ብቃት እንደሚያደርስ ይማራሉ ። እስቲ የሁለት ሰዎችን ምሳሌ እንይ አንደኛው ሊይ ላኮካ የተባለው የካይስለር የሚባል ድርጅት ዋና ስራ አስኪያጅ ሲሆን ሀለተኛው ሉ ገርስነር የቀድሞ የአይ ቢ ኤም የሚባል ደርጅት ዋና ስራ አስኪያጅ እኘኚህ ሁለቱም ሰዎች የሚሰሩበት ድርጅት በጣም በችግር ላይ በነበረበት ወቅት ነው የመጡት ። ግና ሁለቱም ስራ አስኪያጆች የየድርጅቶቻቸውን ችግሮች ፈተው ወደ ከፍታ አድርሰዋል ። ታዲያ ነገሩ በኋላ ነው የመጣው ሊዬ ላኮካ ለድርጅቱ ባስገኘው ለውጥ ተኮፍሶ ዙርያውን በአድናቂዎች በመክበብ ፣ስለ ራሱ ክብር መጨነቅ ቀጠለ ። በዚኽም ለራሱ ያለውን የወረደ ክብር መካብ እንጂ ለድርጅቱ ተግቶ መስራቱን አቆመ ። ድርጅቱ በሽያጭ ገቢው ሲያስሽቆለቁል ቸል ማለት እና የፈጠራ ብቃት ያላቸውን ሰራተኞች ሳይቀር ከስራ ገበታቸው ላይ ማባረር ጀመረ እነዚህ ድርጊቶቹ ድርጅቱን የበለጠ ወደ ኪሳራ አመራው። ሀለተኛው እና የአይ ቢ ኤም ስራ አስኪያጅ የነበረው ሊ ገርስነር በበኩሉ በድርጅቱ ውስጥ የነበረውን የውስጥ ለውስጥ የቡድን ፉክክር እና ፉክቻ በመጀመርያ አስተዋለ። ከዛም ቀድሞ የነበረውን የአስተዳደር መዋቅር በማስቀረት እታች ወርዶ እንደማንኛውም ተራ ሰራተኛ መግባባት እና መስራት ጀመረ። በቡድን ስራ ላይ በማተኮር እና ከቀድሞ ስህተቶች በመማር እውነተኛ አዳጊ የአእምሮ ብቃትን ማሣየት ጀመረ በዚኽም ቋሚ እድገት ለአይ ቢ ኤም ማምጣት ቻለ። ወደ ሌላ መልካም አርአያ ስንመጣ ማይክል ጆርዳንን እናገኛለን ዝነኛው የቅርጫት ኳስ ተጫዋች ማይክል ጆርዳን በአንድ ወቅት እንዲህ ብሎ ነበር:: ዘጠኝ ሺህ የቅርጫት ኳስ ውርወራዎችን ከቅርጫት መረብ ውስጥ ሳላስገባ ቀርቺያለሁ። እንዲሁም ሶስት መቶ ጨዋታዎች አምልጠውኛል በሃያ ስድስት ውድድሮች ላይ አልተሳተፍኩም እንዲሁ የመጨረሻ ሰዓት ወሳኝ የቅጣት የቅርጫት ኳስ ውርወራ ስቼአለሁ በተደጋጋሚ በሙያዬ ስወድቅ ስነሳ ነበር። ለዛም ነው ስኬታማ የሆኑኩት ይላል ማይክል ጆርዳን። ይኽ ታላቅ ሰው እንዲህ ያለው በቅርጫት ኳስ ተጫዋችነቱ የመጀመርያው ቢሊየነር ከሆነ በሁዋላ ነው። ፈተናዎችኝ እና እንቅፋቶችን ከሕይወታችን ለማስወገድ መጣር የቋሚ የአእምሮ አቋም ባለቤት የመሆን ምልክት ነው። አንድ ነገር ላይ ብዙ ከሰራችሁ ለውድቀታችሁ የሚኖራችሁ ሰበብ እየቀነሰ ነው የሚሄደው። ብዙዎች በሱፐር ማን ላይ ዋና ተዋናይ ሆኖ በተወነው ገፀ ባሕሪው የሚያውቁት ክሪስቶፈር ሪቭ በደረሰበት ድንገተኛ አደጋ ከአንገት በታች በሙሉ ፓራላይዝድ ሆኖ መንቀሳቀስ አይችልም ነበር። ነገር ግን አልሸነፍም በማለት ስለ የጀርባ አጥንት ስብራት አክቲቪስት በመሆን ለሰዎች የተለያዩ ግንዛቤዎችን በመስጠት ጠንክሮ ይሰራ ነበር። ይኽ ብቻ ሳይሆን በአካላዊ እንቅስቃሴ በመበርታቱ እጁን እና እግሩን በመቀጠል የቀረውን የሰውነቱን ክፍል ቀስ በቀስ ማንቀሳቀስ ቻለ። በስተመጨረሻ በመሉ ጤንነት ከውሀ ገንዳ ስር ገብቶ መራመድ ሁሉ ቻለ። በሚገርም ሁኔታ ሀላችንም አዳጊ በሆነ የአእምሮ አቋም ስጦታ ነው የተፈጠርነው ። ህፃናት ለዚ ጥሩ ማሳያዎች ናቸው ሁሌም አዲስ ነገርን ማድረግ ይፈልጋሉ ። ነገር ግን ከአንድ እሰከ ሶስት ባለው የእድሜ ክልል ውስጥ የአእምሮ አቋም ይወሰናል። እናም ከቤተሰብ ባሻገር መምህራንም የአእምሮአችንን አቋም ይወስናሉ። መጥፎ መምህር ዝቅተኛ ውጤት ያመጣን ተማሪ መቼም እንደማይሻሻል ሲነግረው መልካም መመህር ደግሞ ነገ አሻሽሎ መስራት እንደሚችል ይነግረዋል ። የሚደንቀው ግን በየትኛውም እድሜ ላይ አዳጊ የአእምሮ አቋም ወይም ግሮውዝ ማይንድ ሴት ማዳበር ይችላል ። እስቲ የሚከተለውን ሞክሩ። በሚቀጥለው አንድ ነገር ሲደፋባችሁ ወይ ሲወድቅባችሁ በራሳችሁ ላይ የእርግማን ቃል አታውጡ አይ የኔ ነገር፣ ምን አይነት የማረባ ነኝ ምናምን ብላችሁ ክስተቱን ከእናንተ ማንነት ጋር አታገናኙት በምትኩ ሌላ ጊዜ እንዲህ እንዳይከሰት ምን ማረግ እንዳለባችሁ አስተውሉ እና የዛሬው አንድ ክስተት እንደሆነ ቀለል አርጋችሁ ውሰዱት። በቃ የሆነው ሆኑዋል በሚቀጥለው አስተካክላለሁ ማለት እንጂ ሁሌ ችግር እንዳለባችሁ መቁጠር አዳጊ የአእምሮ አቋም እንዳይኖራችሁ ያደርጋል ። በዚህ አካሄድ ነው ወደ ትልቅ ደረጃ እና ሕልማችሁ የምትደርሱት። video and music credit :www.pixbay.com