Ağdamda Rahib Məmmədova həsr olunmuş filmin təqdimatı olub - “19 yaşlı xilaskar” скачать в хорошем качестве

Ağdamda Rahib Məmmədova həsr olunmuş filmin təqdimatı olub - “19 yaşlı xilaskar”

Ağdam rayonunda Gürcüstanda baş vermiş təbii fəlakət zamanı insanları xilas edərkən qəhrəmanlıqla həlak olan cəsur Azərbaycanlı əsgər Rahib Məmmədovun xatirəsi anılıb. Rayonun Quzanlı qəsəbəsində yerləşən Muğam mərkəzində Rahib Məmmədova həsr olunmuş 19 yaşlı xilaskar filminin təqdimatı olub. Təqdimat mərasimində Ağdam Rayon İcra Hakimiyyəti başçısı Vaqif Həsənov, Ağdamın millət vəkili, Deputat Bəxtiyar Əliyev, rayonun hüquq mühvizə orqanının rəhbərləri, şəhid ailələri, qazilər və rayon ictimaətin nümayənələri iştirak edib. Tədbiri giriş nitqi ilə Ağdam icra hakimiyyətində vətən müharibəsi iştirakçıları və şəhid ailələri ilə işin təşkili üzrə şöbəsinin müdürü qazi Samir Məmmədov açıb. O qəhrəmanın həyat yolundan, Gürcüstanın Xobi rayonunun Çaladidi kəndində sel nəticəsində bir Azərbaycanlı əsgər kimi sinəsini qabağa verərək 28 nəfər gürcü vətəndaşlarını necə igidliklə xilas etməsindən bəhs edib. Film təqdimatından öncə şəhidlərimizin xatirəsi bir dəqiqəlik sükutla yad olunub və dövlət himni səslənib. Daha sonra isə film zalda əyləşənlərə təqdim olunub. Fİlmi Azərbaycan televiziyasının Gürcüstandakı muxbiri jurnalist Şah İsmayıl Məmmədli çəkib ssenari müəlifliyini ELnur Vəlizadə Rejissorluğunu isə Georgi Toradze və Tengiz Txilivadiz edib. Filmi Azərbaycanlı izləyicilər üçün Gürcü dilindən Azərbaycan dilinə tərcümə edib səsləndirən isə Jurnalist Orxan Sirinli olub. Rahib Gülmalı oğlu Məmmədov 1967-ci il avqustun 25-də Ağdam rayonunun Mahrızlı kəndində anadan olub. 1987-ci ildə hərbi xidmət keçdiyi Gürcüstanın Xobi rayonunun Çaladidi kəndində böyük fədakarlıq göstərərək, təbii fəlakət zamanı 28 sakini seldən xilas edib və qəhrəmanlıqla həlak olub. O, ölümündən sonra “Qırmızı Ulduz” ordeni ilə təltif olunub. Təhsil aldığı Mahrızlı kənd tam orta məktəbi hazırda onun adını daşıyır. Məktəbin həyətində Rahib Məmmədov adına Döyüş şöhrəti muzeyi yaradılıb. Bakının Xətai rayonunun Əhmədli yaşayış massivində Rahib Məmmədov adına küçə var. Gürcüstanın Çaladidi kəndində cəsur əsgərin abidəsi qoyulub.