ထိုင်ဝမ်ကြာဇံကြော် လေးပါ Taiwanese Pan-Fried Rice Noodles Recipe скачать в хорошем качестве

ထိုင်ဝမ်ကြာဇံကြော် လေးပါ Taiwanese Pan-Fried Rice Noodles Recipe

ပုစွန်ခြောက်ရနံ့မွှေးမွှေးလေးနဲ့ စားကောင်းတဲ့ ထိုင်ဝမ်ကြာဇံကြော်လေးပါ။ ပထမဆုံး မိမိစိတ်ကြိုက်အသားကို ပါးပါးလှီးပြီး ပဲငံပြ့ာရည် အကြည်နဲ့ ခရုဆီ အနည်းငယ်ထည့်ပြီး နာရီဝက်လောက်နှပ်ထားပေးပါ။ ကြာဇံကြော်တဲ့အခါ ကျွန်တော်က ရေမစိမ်ဘဲ ရေဆူဆူထဲမှာ ၁ မိနစ်ခွဲလောက်ပြုတ်ပေးပါတယ်။ ပြီးရင် ဆယ်ထားပြီး ဇလုံတခုထဲမှာ ထည့်ပါ။ ရေကုန်အောင်စစ်ပြီး ထည့်စရာမလိုဘဲ ကြာဇံမှာ ကပ်ပါလာတဲ့ ရေပူအနည်းငယ်က ကြာဇံတွေကို နူးစေမှာဖြစ်ပါတယ်။ ပြီးရင် ကြာဇံထဲကို ပဲငံပြာရည်အပျစ် နဲ့ နယ်ထား‌ပေးပါ။ ကြော်တဲ့အခါ မှ နယ်ရင် ကြာဇံတွေ ကျိုးကြေသွားတတ်လို့ပါ။ နယ်ပြီးရင် အဖုံးအုပ်ထားပေးပါ။ ကြက်သွန်ဖြူနုတ်နုတ်စဥ်းထားပါ။ ပုစွန်ခြောက်နဲ့ ဂျပန်ရှီတာကေမှိုကို ရေဆေးပြီး ရေသန့်သန့်နဲ့ နာရီဝက်စိမ်ထားပါ။ ပုစွန်ခြောက်စိမ်ထားတဲ့ရေကိုတော့ ပြန်သုံးမှာဖြစ်ပါတယ်။ နာရီဝက်စိမ်ထားတဲ့ ဂျပန်ရှီတာကေမှိုတွေကို အမြောင်းရှည်ရှည်လေးလှီးထားပေးပါ။ ကြော်တဲ့အခါ ဒယ်အိုးမကပ်စေဖို့ ကြော်မယ့် ဒယ်အိုးကို ပူလာတဲ့အထိ အပူပေးပြီးမှ ဆီအေး ထည့်ပေးပါ။ ပထမဆုံး မှိုတွေကို ရေခမ်းတဲ့အထိ ကြော်ပေးပါ။ ပြီးရင် ရေစစ်ထားတဲ့ ပုစွန်ခြောက်ထည့်ကြော်ပါ။ ၂ ခုလုံးမွှေးလာပြီဆိုမှ ဒယ်အိုးဘေးနားမှာဖယ်ထားပြီး ကြက်သွန်ဖြူနုတ်နုတ်စဉ်းထားတာထည့်မယ်။ မွှေးလာပြီဆိုရင် အသားထည့်မယ်။ ကျက်အောင်မကြော်ဘဲခဏမွှေပြီးမှ ပုစွန်ခြောက်စိမ်ထားတဲ့ရေထည့်မယ်။ အသားတွေကို ဆီနဲ့ပဲကြော်ရင် မာသွားတတ်တာကြောင့် အခုလို ‌ပုစွန်ခြောက်စိမ်ထားတဲ့ရေထည့်ပြီး အသားနူးပြီးရေခမ်းတဲ့အထိ တည်ထားပါ။ ရေခမ်းစပြုလာပြီဆိုမှ အသီးအရွက်အနေနဲ့ မုန်လာဥ နဲ့ ‌ဂေါ်ဖီ ပါးပါးလှီးထားတာကိုထည့်ပါမယ်။ ခဏလေးထည့်ကြော်ပြီး အရသာ အနေနဲ့ ပဲငံပြာရည်အကြည်နဲ့ ခရုဆီကို စားပွဲတင်ဇွန်း ၁ ဇွန်းစီ။ သကြား။ အချိုမှုန့် သို့ ကြက်သားမှုန့် အနည်းငယ်နဲ့ ငရုတ်ကောင်းမှုန့် အဖြူ (မပါမဖြစ်) ထည့်ပါ။ ခဏလေးမွှေပေးပြီးရင် အဖုံးလေးပိတ်ပြီး အရွက်တွေနူးအောင် လုပ်ပြီးမှ ပဲငံပြာရည်အပျစ် နဲ့နယ်ထားတဲ့ကြာဇံတွေထည့်ပြီးအရွက်တွေနဲ့ အားလုံးနှံသွားအောင် မွှေပေးပါ။ အကယ်လို့ ကြာဇံက မာနေတယ်လို့ထင်ရရင် ပုစွန်ခြောက်စိမ်ထားတဲ့ရေကို အနည်းငယ်ထည့်ပြီး အဖုံးအုပ်ထားလို့ရပါတယ်, မိမိစိတ်ကြိုက်အနေအထားရပြီဆိုမှ နှမ်းဆီမွှေးအနည်းငယ်ဆမ်းပြီးရင် အရသာရှိတဲ့ ထိုင်ဝမ်ကြာဇံကြော်လေးကို သုံးဆောင်နိုင်ပြီဖြစ်ပါတယ်။