कोकणातील आमचे घर व सभोवतालचा परिसर | कळसुली| दिंडवणेवाडी | Kankavli | Kalsuli скачать в хорошем качестве

कोकणातील आमचे घर व सभोवतालचा परिसर | कळसुली| दिंडवणेवाडी | Kankavli | Kalsuli

मुंबईतल्या सतत कामाच्या धावपळीत व्यस्त असलेल्या लोकांना निवांत क्षणांसाठी गावाला जाऊन राहायची इच्छा असते. मुळातच आपलं कोकण हे निसर्गरम्य. भौगोलिकदृष्टय़ा ते संपन्न आहेच पण सांस्कृतिक, जैवविविधता आणि वास्तुरचनेच्या दृष्टीनेदेखील तो तितकाच वैभवशाली आहे. सर्वत्र पसरलेली हिरवळ, पुरातन मंदिरे, कौलारू घरे, किल्ले,आंबा,फणस व माडाची झाडे, नदी आणि समुद्र अशा अनेक सुंदर गोष्टी येथे पाहावयास मिळतात. रोजच्या दगदगीच्या जीवनातून पलीकडे बघून मनाला हव्याहव्याशा वाटणाऱ्या शांततेचा कोकणात अनुभव येथे घेता येतो. यंदाची मे महिन्यातली गावची भेट अगदी तशीच आणि अविस्मरणीय होती. लॉकडाउन च्या काळात पक्षी निरीक्षण करायचा छंद आम्ही जोपासला. पक्षीनिरीक्षण व निसर्गनिरीक्षण जोपासल्यामुळे मानसिक आरोग्य सुधारल्याचा अनुभव आम्हाला आला.आधीपासून निरीक्षणाचा छंद असल्यामुळे माझ्या गावच्या घरालगत असणाऱ्या पक्षी ,कीटक आणि सरीसृप यांचे नोंदी व निरीक्षण करायचे असे आम्ही ठरवले. घरासमोरील खळे आणि परड्याची बाग हे आमची ठरलेली निरीक्षणाची जागा. गावाकडे सकाळी अगदी पक्ष्यांच्या मधुर संगीताने दिवसाची सुरवात व्हायची. सुभग ,दयाळ, वटवट्या ,भारद्वाज ,हळद्या आणि सूर्यपक्ष्यासारखे अनेक पक्षी त्यांच्या आवाजाने वातावरण अगदी मुग्ध करून टाकायचे. खारीच्या व सरड्याच्या एका झाडावरून दुसऱ्या झाडांवर पळापळ असायची, फुलपाखरे ,चतुर यांचे भिरभिर फिरणं असायचे. त्यांच्याबरोबर अगदी वेगळ्याच जगात असल्यासारखे वाटायचे. निरीक्षण करता करता लक्षात येत गेलं की आपल्या आजूबाजूला असणारे कितीतरी जीव तितकेच विस्मयकारी आहेत आणि बहुदा आपल्याकडून ते दुर्लक्षित होतात. या विडिओ च्या माध्यमातून तेच समोर आणण्याचा आम्ही प्रयत्न करतोय.तर पुढच्या वेळी जेव्हा गावी जाल तेव्हा या घरालगतच्या शेजाऱ्यांशी तुमची भेट झाली कि नाही ते आम्हाला नक्की सांगा.