強積金攻略17:甚麼是核心累積基金及65歲後基金？ скачать в хорошем качестве

強積金攻略17:甚麼是核心累積基金及65歲後基金？

索取2021-22年強積金攻略 https://bit.ly/3D5OR9D 唔知大家有冇了解過咩係「核心累積基金」同「65歲後基金」呢？ 好多打工仔都未必知道咩係「核心累積基金」同「65歲後基金」！ 今日就等我嚟同大家解釋吓咩係「核心累積基金」同「65歲後基金」啦！ 「核心累積基金」及「65歲後基金」係「預設投資策略」嘅成分黎嘅！ 咁到底咩係「預設投資策略」？如果僱員o係開立戶口既時候唔知揀選邊隻基金好，佢地就可以選擇「預設投資策略」。「預設投資策略」係一個現成投資計畫，由「核心累積基金」同「65歲後基金」組成(Pic28)，兩個成分嘅基金都係採用環球分散投資策略， 其中「核心累積基金」 大概係60% 嘅資產淨值會投資於如股票等風險較高嘅資產， 其餘40%嘅資產淨值會投資係例如環球債券及貨幣市場工具等風險較低嘅資產。「65歲後基金」會大概有20% 嘅資產淨值投資於係風險高啲嘅資產同埋大概有80%投資係風險低啲嘅資產。 「預設投資策略」有一個隨年齡自動降低投資風險嘅特點。 「預設投資策略」降低風險列表所示，在50歲之前， 所有投資於「預設投資策略」既累算權益及未來供款包括轉移自另一項註冊計劃既累算權益都會投資於「核心累積基金」。 係年滿50歲後，成員嘅累算權益及未來供款 包括轉移自另一項註冊計劃既累算權益就會於成員每年生日當日 自動隨著年齡增長而逐步由「核心累積基金」轉移到「65歲後基金」， 直到成員到達64歲為止。 到時，所有的累算權益將會投資於「65歲後基金」。 另一個「預設投資策略」嘅特點，係兩個成分基金的基金管理費都設有每年基金資產淨值 0.75%嘅上限(上限以每天計算)。 另外，基金嘅經常性實付開支嘅上限每年亦不得超過該成分基金嘅資產淨值嘅0.2%。 雖然「預設投資策略」主要係為從來冇作出有效投資選擇嘅計劃成員而設， 但係如果成員覺得此投資策略符合個人需要，都可選擇投資「預設投資策略」。所以「預設投資策略」亦都俗稱「懶人基金」。(Pic27) 阿強自細就係一個冇乜主見既人，媽媽叫佢做咩就做咩，DSE放榜既時候聽左媽媽話揀左讀會計，今年大學畢業出黎搵到份工係媽媽朋友間會計師樓度返工。返工第一日，老細就俾左份MPF登記表佢填，叫佢揀下基金組合。阿強即刻打俾媽媽問佢點算好，但媽媽o係酒樓返緊工聽唔到佢電話。正當阿強六神無主，好徬徨無助既時候，同事阿珍見到阿強r到頭都爆，就同佢講：「如果你未揀到基金組合，你可以揀用『預設投資策略』架！個計畫仲會自動幫你隨住年紀更改你既投資組合，唔洗擔心幾時需要根據自己既風險承受程度自己轉。雖然可能未必會賺得最多，但起碼唔會跑輸大市丫！」