PU KAIA SAP SIKUL - Nunna I La Nei E ( OFFICIAL MUSIC VIDEO ) скачать в хорошем качестве

PU KAIA SAP SIKUL - Nunna I La Nei E ( OFFICIAL MUSIC VIDEO )

*HE MUSIC VIDEO HI YOUTUBE CHANNEL DANG A DAH PHAL A NI LO* RECORDING | Kings & Prophets Studios | Ramhlun North HLA PHUAHTU THUKHAWCHANG - "NUNNA I LA NEI E" tih hla hi kum 2014 October thla a ka ziah țan a ni. Zan khat chu țhian te nen kan inkâwm hlim rei deuh nen, zingkâr dâr thum leh a chanve velah ka haw a, ka nu leh ka pa te an room a an phun ri deuh mar mar chu ka hria a, ka han ngaihthlâk chian chuan ka hming lamin an lo țawngțai hi a lo ni a. A tûkah chuan ka nu hnênah ka zâwt a, ka haw tlai vâng a țawngțai an ni em ti a ka zawh chuan ka nu chuan kum hnih chuang ka tân chutiang a an lo tih tawh thu min hrilh a, sawi tur ka hriat loh vangin ka room-ah ka lût a, ka ngaihtuahna erawh a kal thui hle.... Ka tân a an țawngțai țhinna chu a chhânna an beisei ngei âwm sia, mahse keimah ka in en erawh chuan chhânna an beisei âwm chu keimahah chuan ka hmu mang lêm si lo. Mahse ka rilruah thil pakhat a lo awm ve a, ka tân an țawngțai chhânna hmu mai lo mahse, Pathian beiseina tak nên an țawngțai chhânna an nghah tlat vângin, "Pathian remruat zâwk chu a hun takah a vul chhuak ngei ang", tih hi châng khatna tum ber pakhat a ni. Nu leh pa tam tak te'n kan fa te-ah rilru hahna tam tak kan nei, zân mutmû pawh tuah lova zânkhaw tairêk thleng a mittui nen a hun kan hman pawh a tam thei.... Nula tlangvâl te pawh kan țhian inkârah emaw chhungkaw thû hlâah emaw, eizawnna chungchangah emaw, nunkawng hrim hrimah emaw kawng hrang hrangah harsatna kan tâwk a ni thei. Khawvêl nun hrehawm tih luat vâng a kan pêk ve theih ngai miah loh tur mahni NUNNA lâk duh hial khawp a harsatna tâwk pawh kan ni thei ..... Mahse heti zâwng hian ka ngaihtuah țhin - Mahni harsatna chauh kan thlir chuan kan khawvêl hi a thim tulh tulh mai a, kan kut lehlam a nâ chauh kan thlîr tlat chuan kan taksa pêng dang zawng him dam reng kan thlîr kân țhin.... "A NUNNA ber kan la nei a nih si chuan eng vângin nge damna kawng zawh tur a BEISEINA ber kan hloh mai ang...!!??" Tih hi a hla thu laipui a ni. Ringtu hmasa te pawh thlîr lêt ila, harsatna tâwk lo ringtu an awm ngai lo tih chu kan hriat sa vek a nih kha.... Kan rin Krista ngei pawh nêk chêpna karah a nun a hmang ral a nih kha. Mahse Pa Pathian remruat beiseina nên a thlir tlat a, harsatna a pal tlangna hmunah malsawmna a lo thleng țhin a nih kha.... Keini ngei pawh Pathian a kan beiseina lo zual zêl se, nitin kan nunah harsatna tam tak kan tawh a bâng chuang lovang, mahse ama thu ngeiin a lo sawi tawh angin, " Thih thlengin rinawmin lo awm rawh, tichuan nunna lallukhum ka pe ang che", a tih kha. (Thupuan 2 : 9-10) "Thih thleng", han tih hian hun rei tak turah ngaih ngawt mai a awl khawp mai, mahse tûn hun mai pawh hi kan tân "Thih thleng", chu a lo ni thei reng si.... STEWARD LALROCHAMA VOCAL | PU KAIA SAP SIKUL BAND