Қысқы олимпиада ойындарына дайындық скачать в хорошем качестве

Қысқы олимпиада ойындарына дайындық

Біздің елден ең жас құрама барады. Бірер аптадан кейін Италияның Милан және Кортина қалаларында олимпиада алауы жағылады. Байрақты бәсекеге 93 елден 3500 спортшы қатысады. Оның ішінде 36 ұлттық құрама өкілі бар. Күні кеше дәл осы студияда әр бағыт бойынша ел намысын қорғайтын атлеттердің аттарын атадық. Жаңа ғана, яғни ең соңғы болып Қазақстан биатлон федерациясы өз үміткерлерінің тізімін жариялады. Оны бапкерлер құрамы ақылдаса отырып жасақтады. Сонымен биатлон бойынша олимпиадаға ерлер арасында Владислав Киреев пен Әсет Дүйсенов, әйелдер арасында Милана Генева мен Айша Рақышева қатысуға мүмкіндік алды. Владислав бұған дейін қысқы олимпиадада бақ сынаған. Яғни тәжірибесі бар. Басқа спортшыларымыздың да әлеуеті жақсы. Жалпы алғанда аталмыш жерлестерімізің орташа жасы 24-25 жасты құрайды. Бұл – биатлон тарихындағы ең жас құрамдардың бірі. Қазақстандық қыз-жігіттердің еншісінде 17 лицензия бар. Қазіргі таңда ұлттық құрама Чехияда Әлем кубогының кезекті кезеңіне қатысып жатыр. Дүниежүзілік дода аяқталған соң, тікелей Италияға аттанады. Еске сала кетейік, қысқы олимпиадада биатлон бойынша жарыстар 8 ақпан күні басталады. #ХабарСпорт #Спорт #Қазақстанспорты