Pof. скачать в хорошем качестве

Pof.

នៅព្រឹកថ្ងៃទី១៥ ខែកក្កដា ឆ្នាំ២០២០ អាជ្ញាធរជាតិអប្សរា សហការជាមួយក្រុមមេធាវីរាជរដ្ឋាភិបាល បានរៀបចំកម្មវិធីដាំកូនឈើនៅបរិវេណខាងត្បូងប្រាសាទអង្គរវត្ត ក្រោមប្រធានបទ «សន្ដិភាព យុត្ដិធម៌ សាសនា បេតិកភណ្ឌ បរិស្ថាន» ដែលមានអ្នកចូលរួមប្រមាណ២០០នាក់។ ថ្លែងក្នុងពិធីនេះ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានលើកពីអត្ថប្រយោជន៍ដ៏មហាសាលរបស់ព្រៃឈើ ពិសេសការដាំកូនឈើក្នុងរមណីយដ្ឋានអង្គរ។ ឯកឧត្តមបញ្ជាក់ថា ការដាំកូនឈើក្នុងរមណីយដ្ឋានអង្គរ គឺដូចយើងកំពុងចូលរួមអភិរក្សប្រាសាទយ៉ាងដូច្នោះដែរ។ ក្នុងពិធីសំណេះសំណាលមុនពិធីដាំដើមឈើជាផ្លូវការ ឯកឧត្តម ហង់ ពៅ បានកោតសរសើរចំពោះទឹកចិត្តចូលរួមរបស់ក្រុមមេធាវីរាជរដ្ឋាភិបាល ក៏ដូចជាក្រុមមេធាវីស្ម័គ្រចិត្តសម្ដេចតេជោសែន ដែលគៀងគរគ្នាមកដាំដើមឈើនៅក្នុងរមណីយដ្ឋានអង្គរ។ ឯកឧត្តមបន្ថែមថា ប្រាសាទអង្គរវត្ត ក៏ដូចជាប្រាសាទទាំងអស់ក្នុងរមណីយដ្ឋានអង្គរ គឺសុទ្ធសឹងតែត្រូវបានការការពារដោយព្រៃឈើ។ ឯកឧត្តមអគ្គនាយកពន្យល់ថា តាមការសិក្សាបែបវិទ្យាសាស្រ្ដកន្លងមក នៅពេលថ្ងៃថ្មប្រាសាទមានកម្តៅរហូតជិត៨០ដឺក្រេ និងចុះត្រជាក់ត្រឹម២០ដឺក្រេវិញនាពេលយប់។ ការបង្កើនគម្របព្រៃឈើនៅតំបន់ប្រាសាទពិតជារួមចំណែកកាត់បន្ថយកម្ដៅថ្ងៃនេះ ព្រោះព្រៃឈើបានផ្តល់សំណើម ដែលអាចជួយកាត់បន្ថយហានិភ័យភាពពុកផុយថ្មប្រាសាទ។  ជាងនេះទៅទៀត តាមការពន្យល់ពីឯកឧត្តមអគ្គនាយក ព្រៃឈើអាចទាក់ទាញទឹកភ្លៀង កាត់បន្ថយការបំពុលបរិស្ថាន ទប់លំនឹងទឹកក្រោមដែលមានទំនាក់ទំនងយ៉ាងជិតស្និទ្ធទៅនឹងគ្រឹះប្រាសាទ និងជាគម្របសំខាន់សម្រាប់ទប់ខ្យល់មិនឱ្យប៉ះផ្ទាល់ដល់ថ្មប្រាសាទ។ល។ ឯកឧត្តមអគ្គនាយក បានស្នើដល់អ្នកកាប់បំផ្លាញព្រៃឈើ គួរពិចារណាពីសារសំខាន់ទាំងនេះឡើងវិញ និងសំណូមពរឱ្យមានការដាំដុះឡើងវិញដើម្បីបរិស្ថានក្នុងប្រទេសកម្ពុជា។ ជាមួយគ្នានេះ ក្នុងឆ្នាំ២០២០នេះ អាជ្ញាធរជាតិអប្សរាគ្រោងដាំ និងចែកចាយកូនឈើទាំងក្នុង និងក្រៅតំបន់ សរុបជាង១០ម៉ឺនដើមផងដែរ ក្នុងន័យបង្កើនគម្របព្រៃឈើក្នុងប្រទេសកម្ពុជា។ លែងក្នុងពិធីនោះដែរ ឯកឧត្តម គី តិច ប្រធានក្រុមមេធាវីរាជរដ្ឋាភិបាល និងជាប្រធានក្រុមមេធាវីស្ម័គ្រចិត្តសម្ដេចតេជោសែន បានបង្ហាញអារម្មណ៍រីករាយជាខ្លាំងក្នុងការចូលរួមដាំដើមឈើនៅបរិវេណប្រាសាទអង្គរវត្ត ដែលជាសម្បត្តិបេតិកភណ្ឌមនុស្សជាតិ។ ឯកឧត្តមគូសបញ្ជាក់ថា សកម្មភាពនេះគឺបង្ហាញពីការចូលរួមរបស់អ្នកច្បាប់លើការងារសង្គមជាតិ ពិសេសបានផ្សព្វផ្សាយ និងបំផុសចលនាឱ្យមានការដាំដើមឈើឡើងវិញឱ្យកាន់តែផុសផុលឡើង។ សូមបញ្ជាក់ថា ដើមឈើដែលដាំក្នុងពិធីខាងលើនេះសរុប៤០០ដើម ដែលមានទាំងប្រភេទឈើប្រណីត និងប្រភេទផ្កែ ដូចជា គ្រញូង បេង ធ្នង់ នាងនួន ផ្ការំដួល និងថ្កុលមាស៕