Revealing My City Sangamner! Amazing Facts About Sangamner! History of Sangamner in Hindi! скачать в хорошем качестве

Revealing My City Sangamner! Amazing Facts About Sangamner! History of Sangamner in Hindi!

Battle of sangamner: https://en.wikipedia.org/wiki/Battle_... Kya aap jante hai Taj Mahel sangamner me ban ne wala tha? Ise jaan ne ke liye hume sangamner ke itihas ke panno ko palatna padega. Sangamner ki bhaugolic rachna ke mahatwa dekhte hue itihas ke bade bade badshaho ki Nazar sangamner par thi. Kutub minar banane wale, kutbuddin aibak sangamner aa chuke hai. Humayu ko harane wale Sher Shah Suri bhi Sangamner me rahe chuke hai. Shahjah Aur unki begam Mumtaj Mahel bhi delhi ki sardi se bachne sangamner me aya karte the. Pravara nadi ke kinare aaj jo D ed college hai, waha inki mahefil laga karti thi. Unki kuch nishaniya aaj bhi waha hai, jaise ke shahi humam aur shahi kuwwa. Yahi pravari aur mhalungi ke sangam par Taj Mahel banane ka Plan Shahjah ka tha. Magar rajdhani delhi se bahot dur hone ki wajah se, ye location badme cancel kar diya gaya. Wikipedia par aap Battle of Sangamner ke baare me pad sakte ho ke, 1679 me Mughal aur Maratha Empire ke beech sangamner me jung hui thi. British Empire ki bhi sangamner par khas nazar thi. Unhone sangamner ke liye Wilson Dam banaya jise hum bhandardara ke naam se jante hai. Swatantrya ki ladhai me bhi sangamner ka bahot yogdan raha hai. Sangamner me british sarkar ke khilaf bahot sare aandolan hue jiske liye Mahatma Gandhi, Lokmanya Tilak, Pandit Jawaharlal Nehru, Dr. Babasaheb Ambedkar aur bhi bahot se swatantrya sainik, sangamner aa chuke hai. Indurikar Maharaj, Kavi anant phandi ye mul sangamner ke hai.Sangamner, Pune Aur Nashik ke bich me aur Shirdi se 50 km dur pravara nadi ke kinare par vikasit hua hai. Nashik pune railway line, jo sangamner se jane wali hai, uska kaam bhi shuru ho chuka hai aur 2023 se 2024 tak pura ho jayega. Sangamner me kafi attractive tourist places hai jaha bahot dur dur se log ghumne ke liye ate hai. Isme sabse pahele mai bhandardara dharan ka naam lena chanhunga kyo ki wo bhi sangamner ke liye hi banaya gaya tha. Sangamner se 5 km dur vitthal kada naam ka water fall hai jo dekhne me kafi attractive hai. Sangamner ke pemgiri gaon me, maharashtra ka sabse bada bad ka ped hai aur wo 3 se 3.5 acre me faila hua hai. Aise aur bhi bahot sare places hai jo hum is chotese video me cover nahi kar sakte. Ye hai old pune naka, Nimon naka, delhi naka, akole naka. Aaj ye itne badal chuke hai ke, in purani photos se unko relate kar pana kafi mushkil hai. 90s ka sangamner jin chizo se pahechana jata tha unme se kuch mai apko batata hu jaise Athwan ke pohe, Joshi ki jalebi, Swalp Viram ka nashta, Nadhe ki bhel, Gokul ki lassi aur kudal ki misal Ab dekhte hai modern sangamner. Aaj sangamner kaafi develope ho chuka hai. Education ki agar baat kare to sangamner me 519 schools hai jinme se kuch to bahot purane hai jaise petit hight school 1884 me establish hui hai. Dnyanmata school 1948 me aur Adarsh School 1979 me shuru hui thi. Naye schools ki baat kare to Dere,Strawberry, Amrutvahini aur Dhruv academy jaisi schools ne bhi sangamner ke education system ko advance level par lekar jane me kafi madat ki hai. Iske alawa sangamner me 7 medical colleges aur kuch diploma colleges hai. Sangamner ka Amrutvahini eng college, maharashtra ke top colleges me se ek hai. Aur haal hi me use A+ grade bhi mila hai. Sangamner me kuch aise industries bhi hai jo pure india me brand mane jate hai. Jinme se kuch mai apko batata hu jaise Rajhans ke sabhi products. Malpani ki Gaichhap. SR Thorat ka Dudh. Navale ke Agricultural Products. Aur bhi bahot sari industries hai jo national level par pahechani jati hai. Sangamner me log bahar ke khane ke shaukin hai isliye hotel business bhi kafi successful hai. Non veg me meri personal favourite hotel Sudhir hai. Aur veg me Swadesh. Aur bhi bahot achhi achhi hotels hai jaha par khana khaneme bahot maza ata hai. Chalo sangamner ke kuch celebrities bhi apko batata hu. Indian cricketer Ajinkya Rahane sangamner se belong karte hai. ashwini dhone jaisi badi youtuber, sangamner ki hai. Tiktok celebrity Ajaz Ahmed bhi sangamner ke hai. Aur humare sabke chahite Ansar chacha wade wale, jinka wada khane log bahot dur dur se ate hai aur unki chatpati bato ka maza lete hai. Inke bahot saare videos youtube aur facebook par viral hue hai jinko karodo views hai. To ye hai dosto humara chota sa aur pyara sa sangamner jiske baare me log kahete hai. Sau shaheri Ek sangamneri. #sangamner #oldsangamner #ansarchachavadapav #naseebvadapav #sangamnervadapav This video is created for educational purposes and fair use. All the images, videos, and logos used in this video belong to their respective owners. Non-profit, educational, or personal use tips the balance in favor of fair use. Follow us on Facebook : https://bit.ly/32ID2aK Follow us on Instagram : https://bit.ly/3zagSuf Follow us on Pinterest : https://bit.ly/3Ju6h1J Follow us on Youtube : https://bit.ly/3EDvmDN Find Postal Code : https://postalcoder.com Schools in India : https://educatetoday.net Blog : https://blogstudio.org