#ព្រះបន្ទូលនៃសេចក្ដីពិតសម្រាប់ថ្ងៃសុក្រ скачать в хорошем качестве

#ព្រះបន្ទូលនៃសេចក្ដីពិតសម្រាប់ថ្ងៃសុក្រ

#ចំណងជើងវីដេអូ៖ «ភាពស៊ីជម្រៅនៃសិទ្ធិអំណាចរបស់ទ្រង់» The Profundity Of His Authority #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃសុក្រ ទី២០ ខែមិថុនា ឆ្នាំ២០២៥។ «ភាពស៊ីជម្រៅនៃសិទ្ធិអំណាចរបស់ទ្រង់» The Profundity Of His Authority #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «ទី​សំគាល់​ទាំង​នេះ​នឹង​ជាប់​តាម​អស់​អ្នក​ដែល​ជឿ គឺ​ថា គេ​នឹង​ដេញ​អារក្ស​ដោយ​នូវ​ឈ្មោះ​ខ្ញុំ ហើយ​និង​ចេះ​និយាយ​ភាសា​ថ្មី » (ម៉ាកុស ១៦:១៧)។ វាពិតជាអស្ចារ្យណាស់! ព្រះអម្ចាស់យេស៊ូវបានប្រទានសិទ្ធិអំណាចដល់យើង ដែលជាអំណាចលើអស់ទាំងពួកអារក្ស។ ព្រះអង្គក៏បានប្រទានអំណាចនៃមេធាវី គឺសិទ្ធិស្របច្បាប់ក្នុងការប្រើព្រះនាមរបស់ទ្រង់ ដើម្បីធ្វើសកម្មភាពជំនួសទ្រង់។ និយាយម្យ៉ាងទៀត ទោះបីជាអ្នកបានប្រគល់ជីវិតរបស់អ្នកដល់ព្រះគ្រីស្ទ នៅព្រឹកនេះក៏ដោយគឺថា អ្នកមានសិទ្ធិស្របច្បាប់ មានសិទ្ធិអំណាចក្នុងការដេញអារក្សចេញក្នុងព្រះនាមព្រះយេស៊ូវបាន។ សូមកត់សម្គាល់ម្តងទៀតនូវព្រះបន្ទូលរបស់ព្រះអម្ចាស់គឺថា៖ «ទី​សំគាល់​ទាំង​នេះ​នឹង​ជាប់​តាម​អស់​អ្នក​ដែល​ជឿ គឺ​ថា គេ​នឹង​ដេញ​អារក្ស​ដោយ​នូវ​ឈ្មោះ​ខ្ញុំ »។ នេះគឺជារឿងដំបូងគេដែលព្រះអង្គមានបន្ទូលថា យើងអាចធ្វើបានក្នុងព្រះនាមរបស់ទ្រង់។ ហើយទ្រង់មិនបានមានបន្ទូលថា វាសម្រាប់តែមនុស្សមួយចំនួនដែលបានជ្រើសរើស ដូចជាអ្នកផ្សាយដំណឹងល្អ ហោរា និងគ្រូគង្វាលតែប៉ុណ្ណោះទេ។ ទេ វាសម្រាប់អ្នកជឿគ្រប់រូប។ ឥឡូវនេះ អ្នកអាចអនុវត្តតាមព្រះបន្ទូល ហើយក៏អាចទទួលបានលទ្ធផលនឹងដែរ។ ឥឡូវនេះ សំណួរដ៏សំខាន់មួយដែលត្រូវសួរគឺថា តើអ្នកមានអំណាចប៉ុនណា នៅពេលអ្នកត្រូវបានផ្តល់អំណាចមេធាវី? តើអ្នកអាចប្រើកម្លាំង ឬអំណាចបានប៉ុនណា? តើអ្នកមានសិទ្ធិអំណាចពិតប្រាកដប៉ុនណា? នេះវាអាស្រ័យលើអ្នកដែលបានប្រទានអំណាចមេធាវីនោះដល់អ្នក។ តើព្រះយេស៊ូវវិញ ព្រះអង្គមានអំណាចនេះប៉ុនណាទៅ? នៅក្នុងម៉ាថាយ ២៨:១៨ ព្រះយេស៊ូវមានបន្ទូលថា៖ «...គ្រប់​ទាំង​អំណាច​បាន​ប្រគល់​មក​ខ្ញុំ​នៅ​លើ​ស្ថានសួគ៌ ហើយ​លើ​ផែនដី​ផង»។ នេះគឺអស្ចារ្យណាស់! ទ្រង់មិនបានមានបន្ទូលថា «មានតែអំណាចខ្លះទេ ដែលត្រូវបានប្រទានដល់ខ្ញុំ» ផ្ទុយទៅវិញ ទ្រង់មានបន្ទូលថា «អំណាចទាំងអស់»! បន្ទាប់មក ផ្នែកដែលគួរឲ្យកាន់តែសរសើរបំផុតនោះគឺទ្រង់មានបន្ទូលថា៖ «...នៅ​លើ​ស្ថានសួគ៌ ហើយ​លើ​ផែនដី​ផង!» នេះមានន័យថា ទេវតាគ្រប់រូបស្ថិតនៅក្រោមព្រះយេស៊ូវ។ ពួកអារក្សគ្រប់រូបស្ថិតនៅក្រោមព្រះយេស៊ូវ។ អ្វីៗទាំងអស់នៃជីវិតនេះ មិនថា ទាំងមានជីវិត និងគ្មានជីវិត ទាំងប្រព័ន្ធ រចនាសម្ព័ន្ធ ដំណើរការ នគរ បល្ល័ង្ក រដ្ឋាភិបាល ជាដើម គឺស្ថិតនៅក្រោមសិទ្ធិអំណាចរបស់ព្រះយេស៊ូវ។ សាវ័កប៉ូលបានរៀបរាប់យ៉ាងខ្លីអំពីភាពស៊ីជម្រៅនៃសិទ្ធិអំណាចរបស់ព្រះគ្រីស្ទ និងអំណាចដែលទ្រង់បានប្រគល់ឲ្យពួកជំនុំនៅក្នុងអេភេសូរ ១:២០-២៣ MSG ដែលចែងថា៖ «ជា​ព្រះចេស្តា​ដែល​ទ្រង់​បាន​សំដែង​ចេញ ដោយ​ប្រោស​ព្រះគ្រីស្ទ ឲ្យ​មាន​ព្រះជន្ម​រស់​ពី​ស្លាប់​ឡើង​វិញ ព្រម​ទាំង​តាំង​ឲ្យ​គង់​ខាង​ស្តាំ​ទ្រង់ នៅ​ស្ថាន​ដ៏​ខ្ពស់ ២១ ឲ្យ​ខ្ពស់​ជាង​អស់​ទាំង​ពួក​គ្រប់​គ្រង ពួក​មាន​អំណាច មាន​ឫទ្ធិ​បារមី និង​ពួក​មេ​ទាំង​ប៉ុន្មាន ហើយ​គ្រប់​ទាំង​ឈ្មោះ​ដែល​បាន​តាំង​ឡើង​ដែរ មិន​មែន​តែ​ក្នុង​បច្ចុប្បន្ន​នេះ​តែ​ប៉ុណ្ណោះ គឺ​ទៅ​ក្នុង​អនាគត​ខាង​មុខ​ទៀត​ផង ២២ ហើយ​ទ្រង់​បាន​បង្ក្រាប​គ្រប់​ទាំង​អស់ នៅ​ក្រោម​ព្រះបាទ​នៃ​ព្រះរាជបុត្រា ទាំង​ប្រទាន​ទ្រង់​មក​ធ្វើ​ជា​សិរសា​លើ​គ្រប់​ទាំង​អស់ ដល់​ពួក​ជំនុំ ដែល​ជា​រូបកាយ​ទ្រង់ ២៣ គឺ​ជា​សេចក្តី​ពោរពេញ​របស់​ព្រះអង្គ ដែល​បំពេញ​គ្រប់​ទាំង​អស់ ក្នុង​ទាំង​អស់។»។ សូមថ្វាយការសរសើរតម្កើងដល់ព្រះរបស់យើង! #ការអធិស្ឋាន ឱព្រះវរបិតាជាទីស្រឡាញ់អើយ ទូលបង្គំសូមអរព្រះគុណព្រះអង្គ ដែលបានប្រទានអំណាចបែបមេធាវីដល់ទូលបង្គំ ដើម្បីអាចប្រើព្រះនាមព្រះយេស៊ូវ និងដើម្បីធ្វើសកម្មភាពជំនួសទ្រង់បាន។ ទូលបង្គំអនុវត្តសិទ្ធិអំណាចនេះ នៅថ្ងៃនេះ លើពួកអារក្សទាំងអស់ លើពួកមេនៃសេចក្ដីងងឹត លើកាលៈទេសៈ គ្រប់ប្រព័ន្ធ និងរចនាសម្ព័ន្ធនៃពិភពលោកនេះ។ ទូលបង្គំសូមប្រកាសថា ពេលដែលទូលបង្គំដំណើរការតាមមុខងារនៃការគ្រប់គ្រង និងជ័យជម្នះនៅក្នុងព្រះគ្រីស្ទ នោះអ្វីៗទាំងអស់គឺទូលបង្គំអាចគ្រប់គ្រងបាន។ ទូលបង្គំសូមអធិស្ឋាននៅក្នុងព្រះនាមព្រះយេស៊ូវ។ អាម៉ែន។ #ការសិក្សាបន្ថែម៖លូកា ១០:១៩ ភីលីព ២:៩-១១ កូឡូស ១:១៦-១៨