Josh* Malihabadi - Marsiya - Mojid O Mufakkir скачать в хорошем качестве

Josh* Malihabadi - Marsiya - Mojid O Mufakkir

URL for Naat, Salam, Marsiya: http://uk.youtube.com/view_play_list?... kAr diya tu ne yeh saabit, aey dilaawar 'aadmi zindagi kya, maut se leita hai takkar 'aadmi kaat sakta hai rAg e gardan se khanjar 'aadmi lashkaron ko raUnd sakte haiN bahattar 'aadmi zoaf dha sakta hai, qasr'e afsaro aurAng ko aab_geen'e toaR sakte haiN hisaare sAng ko Aey Hussain* abtak tera naqshe qadam ta'bindah hai Zinda hai, pa'indah hai,ta'zindah hai, rakhshandah hai Raushan o pa'indah o ba'lindah o bakhshindah hai Gaamzan tu jispa tha, woh jaadah ab tak zindah hai Zau'figan hai zehn ke har band par, har joard par Shama jo ta'bindah hai, teiri gali ke moard par Aey Hussain* ibne Ali*, aey Sayyed e yazdaN sifaat Nooe se tere jhamakti hai, jabeene ka'enaat Mahev ho jaaein agar, duniya se teire waaqeaat Gumbad e tareekh par cha jaaey haibatnaak raat Bhool sakta hi nahiN insaan, qurbaani teri Haafze ke farq ka jhoomar hai peishaani teri Phir bashar ke zehn par aks e junooN hai, ya Hussain* Phir haqeeqat rehn e auhaam o fusooN hai, ya Hussain* Phir dil e aqdaar e nazuk, gharq e khooN hai, ya Hussain* Phir bashar baatil ke aage sar nigooN hai, ya Hussain* Aa dil e anjaam ko phir garmiye aaghaaz de Aey bahadur, waqt ki aawaaz par aawaaz de Aey mujahid rooh, phir seenoN ko de soaz o sharar Aey muqaddas tashnagi, mawwaj ho sar se guzar Aey payamber maut, anokhi zindagi ban kar ubhar Aey muqarrir khamoshi mimbar pa aa, taqreer kar Aey lahoo, phir qashqaey peishaaniye kirdaar ban Aey jarahat, miyan se bahar nikal, talwaar ban Deikh phir qaar e jahannum ban chuka hai roazgaar AaNch meiN ghaltida hai phir khaimaey layl o nahaar Phir zameeN par hukmaraaN hai ba'hazaraaN iqtadaar Aatish o dood o dukhaan o shola o sharq o sharaar Zindagi hai, bar'sar e aatash fishaani, ya Hussain* Aag duniya meiN lagi hai aag, paani ya Hussain*