RUTA DE SENDERISMO PRG 177. PASARELAS DEL RIO MAO. скачать в хорошем качестве

RUTA DE SENDERISMO PRG 177. PASARELAS DEL RIO MAO.

17 km. 4 h 30 min. Ruta moi fermosa de dificultade media/alta. Fíxena en sentido horario e así os primeiros 3 km semellan unha dura etapa de montaña con 400 metros de desnivel ata a aldea de San Lourenzo. Logo a subida é algo máis doce, ata a necrópole medieval de San Vítor con varios nichos antropomorfos. Ven despois un tramo chan pola canle do 1919 que desviaba parte da auga do río Mao a central de Barxacoba e que daba luz a cidade de Ourense e pobos da Ribeira Sacra. A esquerda vemos caborcos de pendentes imposibles, de gran altura e beleza. Sigue o sendeiro a beira da canle nova, moito máis ambiciosa. O río Mao vai fondo, inaccesible, onde as troitas morreran de vellas ou no bandullo dalgunha lontra. Descorre a ruta por vellos carreiros ata a forte baixada ata Barxacoba onde empeza o derradeiro km polas pasarelas de madeira cunhas espectaculares vistas do río Mao. A ruta está sinalizada, pero é prudente consultar o track nalguns puntos confusos. Ruta moi recomendable, excepto para nenos, xente con vértigo ou escasa preparación física.